Buy Tata Tiago EV : మీరు రోజూ ఆఫీసుకు వెళ్లడానికి కారు కొనాలని ఆలోచిస్తుంటే, ఎలక్ట్రిక్ కార్లు మీకు మంచి ఎంపిక కావచ్చు. ఎందుకంటే వాటిని నడపడానికి అయ్యే ఖర్చు తక్కువ. మనం టాటా టియాగో EV గురించి మాట్లాడుతున్నాం. దీని EMI ప్లాన్ కూడా తక్కువ. మీరు ఈ కారు యొక్క బేస్ వేరియంట్‌ను దాదాపు రూ. 8.44 లక్షలకు పొందుతారు.
మీరు రోజూ ఆఫీసుకు వెళ్లేందుకు కారు కొనాలని ఆలోచిస్తున్నారా? ఎలక్ట్రిక్ కార్లు అద్భుతమైన ఆప్షన్. ఎందుకంటే కార్లను నడిపేందుకు అయ్యే ఖర్చు చాలా తక్కువ. మీ బడ్జెట్‌లో వచ్చే అలాంటి ఒక అద్భుతమైన కారు గురించి ఇప్పుడు తెలుసుకుందాం.. అలాగే, కారు లోన్ EMI ప్లాన్ కూడా చాలా తక్కువకే పొందవచ్చు. టాటా టియాగో EV కారు అతి చౌకైన ధరకే సొంతం చేసుకోవచ్చు. ఈ ఎలక్ట్రిక్ కారు ధర, ఫైనాన్స్ ప్లాన్ గురించి ఇప్పుడు వివరంగా తెలుసుకుందాం.
Buy Tata Tiago EV : కారు EMI ఎంతంటే? :
మీరు హైదరాబాద్‌లో నివసిస్తుంటే టాటా టియాగో EV బేస్ వేరియంట్‌ దాదాపు 8.44 లక్షలు ఉండొచ్చు. ఇందులో RTO ఛార్జీలు, బీమా మొత్తం ఉంటాయి. అదే సమయంలో మీరు ఈ EV కారును రూ. 3 లక్షల డౌన్ పేమెంట్‌తో కొనుగోలు చేస్తే మిగిలిన మొత్తానికి మీరు బ్యాంకు నుంచి రూ. 5.44 లక్షల రుణం తీసుకోవచ్చు.
మీరు 8శాతం వడ్డీ రేటుతో 7 ఏళ్ల కాలానికి కారు లోన్ తీసుకుంటే.. మీరు ప్రతి నెలా దాదాపు రూ. 8వేలు EMI చెల్లించాల్సి ఉంటుంది. మొత్తం 7 ఏళ్లలో మీరు దాదాపు రూ. 1.68 లక్షలు వడ్డీగా మాత్రమే చెల్లించాల్సి ఉంటుంది.
Tata Tiago EMI : ఫీచర్లు ఎలా ఉన్నాయంటే? :
టాటా టియాగో EV కారులో 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 4-స్పీకర్ హర్మాన్ ఆడియో సిస్టమ్, ఆటోమేటిక్ AC, పుష్-బటన్ స్టార్ట్/స్టాప్, క్రూయిజ్ కంట్రోల్, స్టీరింగ్ మౌంటెడ్ కంట్రోల్స్ వంటి అనేక మోడ్రాన్ ఫీచర్లు ఉన్నాయి. సెక్యూరిటీ విషయానికి వస్తే.. డ్యూయల్ ఫ్రంట్ ఎయిర్‌బ్యాగ్‌లు, ABS, EBD, TPMS బ్యాక్ పార్కింగ్ కెమెరా వంటి ఫీచర్లను కలిగి ఉంది.
Buy Tata Tiago EV : పవర్, రేంజ్ ఎంతంటే? :
టాటా టియాగో EV రెండు బ్యాటరీ ఆప్షన్లతో వస్తుంది. ఇందులో 19.2kWh చిన్న బ్యాటరీ, 24 kWh భారీ బ్యాటరీ ఉన్నాయి. చిన్న బ్యాటరీతో ఈ కారు దాదాపు 250 కి.మీ, భారీ బ్యాటరీతో దాదాపు 315 కి.మీ రేంజ్ ఇస్తుంది. పవర్ విషయానికి వస్తే.. చిన్న బ్యాటరీతో ఉన్న మోడల్ 61Ps పవర్, 110Nm టార్క్ ఇస్తుంది. భారీ బ్యాటరీతో ఉన్న మోడల్ 75Ps పవర్, 114 Nm టార్క్ ఉత్పత్తి చేస్తుంది.
ఛార్జింగ్ పరంగా పరిశీలిస్తే.. ఈ రెండు కారు మోడళ్ల మధ్య చాలా తేడా ఉంది. చిన్న బ్యాటరీ మోడల్ 3.3kW AC ఛార్జర్‌తో 10శాతం నుంచి 100 శాతం ఛార్జ్ అయ్యేందుకు దాదాపు 6.9 గంటలు పడుతుంది. అయితే, భారీ బ్యాటరీ ఉన్న మోడల్‌ను 7.2kW AC ఛార్జర్‌తో 3.6 గంటల్లో పూర్తిగా ఛార్జ్ చేయవచ్చు.
ఫాస్ట్ ఛార్జింగ్ విషయానికి వస్తే.. చిన్న బ్యాటరీ ఉన్న మోడల్‌ను 25kW DC ఛార్జర్‌తో కేవలం 58 నిమిషాల్లో 10 శాతం నుంచి 80 శాతం ఛార్జ్ చేయవచ్చు.
