- ఒక్క ఎపిసోడ్తో మారిన గేమ్.. సృష్టి పతనం, సుధీర్ ఎదుగుదల
- సృష్టి రచ్చకు సానుభూతి సుధీర్కే.. నెటిజన్ల మద్దతు వెల్లువ
- త్రిగుణ్ శకుని ఆటలు బయటపెట్టిన రోహిత్, ముకేష్
- చెత్త విసిరిన సృష్టి.. ఓపిగ్గా తీసుకున్న సుధీర్కు జై కొట్టిన ప్రేక్షకులు
- నామినేషన్ డ్రామాలో అసలు విన్నర్ ఎవరో తేల్చేసిన ఎపిసోడ్
Bigg Boss Telugu 10 : రియాలిటీ షోలో ఒక్క ఎపిసోడ్ ఒక కంటెస్టెంట్ ఇమేజ్ను పూర్తిగా మార్చేయగలదు అనడానికి బిగ్ బాస్ తెలుగు సీజన్ 10లో తాజాగా జరిగిన పరిణామాలే నిదర్శనం. సెప్టెంబర్ 22వ తేదీ ఎపిసోడ్లో చోటుచేసుకున్న సృష్టి-సుధీర్ గొడవ, చివరికి సృష్టిని పాతాళానికి పడేసి, సుధీర్ను నేరుగా విన్నర్ రేసులోకి తీసుకొచ్చింది. ఈ ఒక్క సంఘటనతో సుధీర్కు సోషల్ మీడియాలో భారీగా సానుభూతి, మద్దతు లభిస్తోంది.
మూడో వారం నామినేషన్స్ ప్రక్రియ మధ్యలో సృష్టి, సుధీర్పై చేసిన వ్యాఖ్యలు ఇంట్లో పెద్ద రచ్చకు దారితీశాయి. సుధీర్ను కొడతానని, పళ్లు రాలగొడతానని బెదిరించిన సృష్టిని నామినేట్ చేయాలని రామ్ ప్రసాద్ సూచించగా, నరేష్ కూడా అంగీకరించాడు. అసలు కనిపించడం లేదని నాగార్జున వ్యాఖ్యానించడంతో, కావాలని రచ్చ సృష్టించడం తప్పని రామ్ ప్రసాద్ స్పష్టం చేశాడు. నామినేషన్ ఛాన్స్ ఎవరికి వచ్చినా సుధీర్కు ఇవ్వాలని దేబ్జానీ, నరేష్లకు కూడా సూచించాడు.
త్రిగుణ్ వెనుక ఆటలు బయటపెట్టిన రోహిత్
ఈ గొడవ మధ్యలో త్రిగుణ్ పాత్రపై హౌస్లోనే విమర్శలు మొదలయ్యాయి. సృష్టిని రెచ్చగొడుతూ, ఆమెను తనకు అనుకూలంగా వాడుకుంటున్నాడని రోహిత్, ముకేష్ ఇద్దరూ అభిప్రాయపడ్డారు. అతని ప్రతి కదలికా శకుని మూవ్ లాగే ఉంటుందని, గతంలో వంశీని ఎలా ఆపరేట్ చేశాడో, ఇప్పుడు సృష్టిని అలాగే ఆపరేట్ చేస్తున్నాడని రోహిత్ వ్యాఖ్యానించాడు. తను నేరుగా ఆడకుండా వెనుక నుంచి నడిపిస్తాడని కూడా అభిప్రాయపడ్డాడు.
Read Also : Paradise Premiere : ‘ది ప్యారడైజ్’ ప్రీమియర్కు నాని స్పెషల్ రిక్వెస్ట్.. ప్రేక్షకుల మధ్యే కూర్చొని చూస్తా!
నామినేషన్ ప్రక్రియలో ముకేష్ చరణ్ను నామినేట్ చేయగా, షాలినికి వచ్చిన ఛాన్స్లో ఆమె ఆలోచించకుండా వర్షిణిని ఎంచుకుంది. తర్వాత రెండో నామినేషన్ అవకాశం సృష్టికి రాగా, అందరూ ఊహించినట్టుగానే ఆమె సుధీర్ను నామినేట్ చేసింది.
సుధీర్ ఓపిక ముందు తలవంచిన సృష్టి తీరు
నామినేషన్ సందర్భంగా సృష్టి సుధీర్పై తీవ్రస్థాయిలో విరుచుకుపడింది, తనతో ఉండి చివరకు తనను వదిలేశాడని ఆరోపిస్తూ రచ్చ చేసింది. దీనికి బదులుగా సుధీర్ ప్రశాంతంగా స్పందిస్తూ, 14 రోజుల జర్నీలో తనపై చేసిన వ్యాఖ్యలు, తనను తక్కువ చేసి మాట్లాడిన తీరును గుర్తు చేశాడు. తాను ఉపయోగించిన ‘ఫ్రీడమ్’ అనే మాటకు తప్పు అర్థం తీసుకున్నారని, తన గేమ్పై ఫోకస్ పెట్టాలనే ఉద్దేశ్యమే తప్ప మరొకటి కాదని వివరిస్తూ చేతులెత్తి దండం పెట్టాడు.
అయినప్పటికీ సృష్టి శాంతించకుండా, చివరకు అతడిపై చెత్తను విసిరేసింది. అయినా సుధీర్ ఓపికగా వ్యవహరించడం ప్రేక్షకుల మనసు గెలుచుకుంది. ఈ మొత్తం పరిణామంతో సృష్టి, త్రిగుణ్ ఇమేజ్ భారీగా దెబ్బతినగా, సుధీర్ మాత్రం ఒక్క ఎపిసోడ్తో విన్నర్ రేసులోకి బలంగా ముందుకొచ్చాడు.
