Karnataka : ప్రస్తుత కాలంలో యువత పై సినిమాల ప్రభావం ఎక్కువగా ఉందని చెప్పవచ్చు. ఈ క్రమంలోనే ఎంతో మంది యువత సినిమాలలో మాదిరిగా వినూత్నమైన సాహసాలు చేయడానికి ఏమాత్రం వెనుకడుగు వేయడం లేదు. ఈ క్రమంలోనే కొన్నిసార్లు ఎన్నో తీవ్రమైన ఇబ్బందులను ఎదుర్కోవడమే కాకుండా మృత్యువాత కూడా పడుతున్నారు. తాజాగా ఇలాంటి ఘటన ఒకటి కర్ణాటకలో చోటు చేసుకుంది.కర్ణాటకలోని చిక్ బళ్లాపూర్ జిల్లాలోని శ్రీనివాస సాగర్ డ్యాం నిండుకుండలా ఉండడమే కాకుండా డ్యామ్ పొంగిపొర్లుతోంది. ఈ క్రమంలోనే పెద్దఎత్తున నీటిని చూడటం కోసం సందర్శకులు అక్కడికి చేరుకున్నారు.
ఇలా అందరూ ఎంతో సంతోషంగా అక్కడికి చేరుకొని ఫోటోలు వీడియోలు తీసుకుంటూ ఉండగా 20 సంవత్సరాల కుర్రోడు అత్యంత ఉత్సాహం కనపరిచాడు. పై నుంచి నీళ్లు కింద పడుతున్నప్పటికీ ఈ కుర్రాడు అత్యుత్సాహంతో ఆ గోడను ఎక్కడానికి ప్రయత్నం చేశాడు. సుమారు యాభై అడుగుల ఎత్తులో ఉన్న ఆ గోడను ఎక్కుతున్న క్రమంలో చేయి పట్టు తప్పిపోయింది. దీంతో ఒక్కసారిగా ఆ కుర్రాడు పై నుంచి కిందకి జారి పడ్డాడు. కింద పడటంతో ఆ కుర్రాడిని వెంటనే చికిత్స నిమిత్తం బెంగళూరు ఆస్పత్రికి తరలించారు.
బెంగళూరులోని ఒక ప్రైవేట్ ఆస్పత్రిలో చికిత్స పొందుతూ ఆ కుర్రాడు మృతి చెందాడు. ఆ కుర్రాడు గోడ పైకి ఎక్కుతున్న సమయంలో అక్కడ చాలామంది ఉన్నారు. ఎవరు కూడా అతనిని పైకి ఎక్కవద్దని వారించలేదు.అయితే ఆ కుర్రాడు పైనుంచి కింద పడటంతో వెంటనే స్పందించిన స్థానికులు అతనిని చికిత్స నిమిత్తం ఆస్పత్రికి తరలించినప్పటికీ ఏ విధమైనటువంటి ప్రయోజనం లేకుండా పోయింది. దీంతో ఆ కుర్రాడు ఆస్పత్రిలో చికిత్స పొందుతూ మరణించాడు. ఇక ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
Read Also : F3 Movie : ఆకట్టుకుంటున్న ఎఫ్ 3 పార్టీ వీడియో సింగ్.. రెచ్చిపోయిన బుట్టబొమ్మ?
