Focus Movie : విజ‌య్ శంక‌ర్, అషూ రెడ్డి, సుహాసిని మణిరత్నం, భానుచంద‌ర్ లాంటి నటులు కీలక పాత్ర‌ల‌లో తెరకెక్కిస్తున్న చిత్రం పేరు ఫోకస్. దీనికి జి. సూర్యతేజ దర్శకత్వం వ‌హిస్తున్నారు. ఇది ఓ సస్పెన్స్ థ్రిల్లర్. ఓ వ్యక్తికి సంబంధించిన మర్డర్‌ మిస్టరీ కథాంశంగా ఈ సినిమా తెరకెక్కుతోంది. ఈ చిత్రంలో పలు ఆసక్తికరమైన సన్నివేశాలు ప్రేక్షకులను ఎంతగానో ఆలరించనున్నాయి.
ఈ సినిమాకు సంబంధించిన ఫ‌స్ట్‌లుక్ పోస్టర్ ఇప్పటికే విడుదల అయ్యింది. ప్రేమికలు రోజు సందర్భంగా విడుదల చేసిన ఈ సినిమా పోస్ట్ర్ కు మంచి ఆదరణ లభించింది. అయితే ఈ మూవీ నుంచి మరో స్పెషల్ లుక్ పోస్టర్ను ప్రముఖ నటి సుహాసిని మణిరత్నం విడుదల చేశారు. ఈ కార్యక్రమానికి ముఖ్య అతిధిగా ప్రముఖ రచయిత విజ‌యేంద్ర‌ప్ర‌సాద్ హాజరయ్యారు.
ఈ చిత్రంపై విజ‌యేంద్ర‌ప్ర‌సాద్ మాట్లాడారు. సూర్యతేజ త‌న తొలి సినిమానే రిలాక్స్ మూవీ మేకర్స్ ప‌తాకంపై చేయడం గొప్ప విషయం అని అన్నారు. ఫోకస్ అనే ఈ చిత్రం కథాబలం ఉన్న సినిమాగా చెప్పుకొచ్చారు. విజ‌య్‌శంక‌ర్, అషూ రెడ్డి హీరోహీరోయిన్లుగా నటిస్తున్న ఈ చిత్రానికి ప్రముఖ నటి సుహాసిని ముఖ్య పాత్ర‌లో నటించడం నిజంగా మంచి విషయం అని తెలిపారు. విడుదల సందర్భంగా టీజ‌ర్ ను చూసిన ఆయన… చాలా బాగుందని చెప్పారు. ఈ సినిమాలో అందరి పాత్రలు చక్కగా ఉన్నాయన కొనియాడారు. దీనిని ఎంకరేజ్ చేయాల్సిన అవసరం ఉందని చెప్పారు. చిత్ర బృందానికి ఆల్ ది బెస్ట్ చెప్పారు విజయేంద్ర ప్రసాద్.
ఈ కార్యక్రమంలో చిత్ర దర్శకుడు సూర్యతేజ కూడా మాట్లాడారు. ఎన్నో సినిమాల్లో నటించిన సుహాసిని లాంటి వారికి దర్శకత్వం వహించడం చాలా గొప్పగా ఉందని తెలిపారు. గ్రేట్ రైటర్ విజ‌యేంద్ర‌ప్ర‌సాద్ పోస్టర్ రిలీజ్ కు రావడం ఆనందాన్ని ఇచ్చిందని తెలిపారు.
బాలచంద‌ర్‌, షియాజీ షిండే, జీవా, సూర్య భ‌గ‌వాన్ లాంటి చిత్ర తారాగణం ఈ చిత్రానికి పని చేయడంతో పాటు మంచి కథ బలం ఉన్న సినిమాగా ఈ సస్పెన్స్ థ్రిల్లర్ తెరకెక్కుతుంది. ఈ సినిమాను వచ్చే నెలలో రిలీజ్ చేసేందుకు స‌న్నాహాలు చేస్తున్నట్లు దర్శకుడు సూర్యతేజ తెలిపారు. ఈ సినిమాని స్కైరా క్రియేషన్స్‌ సమర్పణలో రిలాక్స్ మూవీ మేకర్స్ తెరకెక్కిస్తోంది. జి. సత్య ఈ సినిమాకు ఎడిటర్ గా పని చేస్తున్నారు. జే ప్రభాకర్ రెడ్డి డీఓపీగా చేస్తున్నారు. వినోద్ సంగీతం సమకూర్చుతున్నారు.
Read Also : Singer Parvathi : ఆ ఊరికి బస్సు రావడానికి స్మితా, నేనే కారణం.. ఆ మంత్రుల సాయం మరువలేనిది
