Hero yash : కన్నడ రాకింగ్ స్టార్ యశ్ గురించి ప్రత్యేకంగా చెప్పాల్సిన అవసరం లేదు. కేజీఎఫ్, కేజీఎఫ్-2 సినిమాలతో ప్రపంచ వ్యాప్తంగా అభిమానులను సంపాదించుకున్నారు. అయితే రాఖీ భాయ్ గా నటించి సినీ ప్రియుల్ని ఎంతగానో అకట్టుకున్నారు. ఈ సినిమా విజయంతో పాన్ ఇండియా స్టార్ అయిపోయారు. అయితే చాలా సంస్థలు దీన్ని క్యాష్ చేసుకోవాలని భావిస్తున్నారు. కోట్లు కుమ్మరించి మరీ తన కంపెనీలకు బ్రాండ్ అంబాసిడర్ గా నియమించేందుకు ప్రయత్నాలు చేస్తున్నాయి.
ఈ క్రమంలోనే పాన్ మసాలా యాడ్ చేయాలంటూ ఓ సంస్థ యశ్ ను సంప్రదించిందట. కానీ యశ్ దానికి ఒప్పుకోలేదట. సున్నితంగా తిరస్కరించారట. అయితే గతంలో స్టైలిష్ స్టార్ అల్లు అర్జున్ కూడా ఇలాంటి యాడ్ కి నో చెప్పారు. అయితే ఈ విషయం తెలుసుకున్న రాఖీ భాయ్ ఫ్యాన్స్ ఫుల్ ఖుష్ అవుతున్నారు. తమ అభిమాన హీరో ఇలాంటి యాడ్ కు నో చెప్పడం చాలా సంతోషంగా ఉందంటూ హర్షం వ్యక్తం చేస్తున్నారు.
