Karate Kalyani: కరాటే కళ్యాణి ఏ క్షణం అయితే యూట్యూబర్ శ్రీకాంత్ రెడ్డితో గొడవ పెట్టుకున్నారో ఆ క్షణం నుంచి ఈమె పలు వివాదాలను ఎదుర్కొంటున్నారు. ఇలా శ్రీకాంత్ రెడ్డితో గొడవ కారణంగా ఎంతోమంది సోషల్ మీడియా వేదికగా కరాటే కళ్యాణి పై తీవ్రస్థాయిలో ఆగ్రహం వ్యక్తం చేస్తున్నారు. ఈ క్రమంలోనే ఒకానొక సమయంలో యాంకర్ గా మంచి గుర్తింపు సంపాదించుకున్న శ్వేతా రెడ్డి కరాటే కళ్యాణి విషయంపై స్పందించి తీవ్రస్థాయిలో ఆగ్రహం వ్యక్తం చేశారు.
ఇండస్ట్రీలో యాంకర్ గా మంచి గుర్తింపు సంపాదించుకున్న శ్వేతా రెడ్డి ప్రస్తుతం బిజెపి పార్టీలోకి వెళ్లారు.ఈ విధంగా ఈమె బిజెపి పార్టీ తరఫున ప్రచారాలు నిర్వహిస్తూనే సోషల్ మీడియాలో యాక్టివ్ గా ఉంటూ నిత్యం ఏదో ఒక వివాదం ద్వారా వార్తల్లో నిలుస్తున్నారు. తాజాగా కరాటే కళ్యాణి విషయంపై ఈమె స్పందిస్తూ కరాటే కళ్యాణిని ఏకిపారేశారు.ఈ సందర్భంగా ఆమె మాట్లాడుతూ కరాటే కళ్యాణి నేను హరికథలు చెబుతా సూక్తులు చెబుతూ అంటే కుదరదు ముందు నువ్వు పద్ధతిగా ఉండు ఇతరులకు ఏ విషయాన్నైనా బోధించు అంటూ ఆమెకు సూచించారు.
ఒక సినిమా ఎంత పవిత్రమో అలాంటి సినిమాలలో నువ్వు వేసే బాబీ పాత్రలు కూడా అంతే పవిత్రమా? నీకు కరాటే వచ్చు కదా అని కరాటే పనులు చేస్తే కర్మ నీతో కరాటి ఆడుకుంటుంది జాగ్రత్త. చెప్పేవన్నీ శ్రీరంగనీతులు చేసేవన్నీ ఇలాంటి పనులా? ఇలాంటి నీతి వ్యాఖ్యలు చెప్పే ముందు నువ్వు పవిత్రంగా ఉండు ఆ తరువాత ఇలాంటి నీతి వ్యాఖ్యలు బోధించు అంటూ శ్వేతా రెడ్డి కరాటే కళ్యాణి పై తీవ్రస్థాయిలో ఆగ్రహం వ్యక్తం చేశారు.
