- ఏపీ, తెలంగాణలో భారీ వర్షాలు.. ఈ జిల్లాలకు రెడ్, ఎల్లో అలర్ట్
- ఏపీలో రెడ్ అలర్ట్.. బంగాళాఖాతంలో అల్పపీడనం, భారీ వర్షాలకు ఛాన్స్
- తెలుగు రాష్ట్రాలకు వాన ముప్పు.. రెండ్రోజులు అప్రమత్తంగా ఉండాలని హెచ్చరిక
- ఈ జిల్లాల్లో భారీ వర్షాలు.. పిడుగులు, ఈదురుగాలులకు ఛాన్స్
AP Telangana Rain Alert : ఆంధ్రప్రదేశ్, తెలంగాణలో వాతావరణ పరిస్థితులు మరోసారి మారుతున్నాయి. తెలుగు రాష్ట్రాల్లో రానున్న రెండు రోజుల్లో విస్తారంగా వర్షాలు కురిసే అవకాశం ఉందని వాతావరణశాఖ హెచ్చరించింది. ముఖ్యంగా ఆంధ్రప్రదేశ్లోని ఉత్తర కోస్తా జిల్లాల్లో భారీ నుంచి అతిభారీ వర్షాలు పడే అవకాశం ఉండటంతో కొన్ని జిల్లాలకు రెడ్ అలర్ట్ జారీ చేసింది.
తెలంగాణలోనూ పలు జిల్లాలకు ఎల్లో అలర్ట్ ప్రకటించింది. వాయువ్య బంగాళాఖాతంలో కొనసాగుతున్న ఉపరితల ఆవర్తనం మరింత బలపడే అవకాశముంది. ఇది బుధవారం నాటికి అల్పపీడనంగా మారే అవకాశం ఉందని వాతావరణశాఖ అంచనా వేస్తోంది. ఈ వ్యవస్థ ప్రభావంతో ఏపీ, తెలంగాణలో వర్షాల తీవ్రత పెరిగే అవకాశం ఉందని అధికారులు చెబుతున్నారు.
ఏపీలో భారీ వర్షాలకు అవకాశం
ఆంధ్రప్రదేశ్లో మంగళవారం, బుధవారం పలు జిల్లాల్లో భారీ వర్షాలు కురిసే అవకాశం ఉంది. ముఖ్యంగా అనకాపల్లి, శ్రీకాకుళం, విశాఖపట్నం, విజయనగరం జిల్లాల్లో భారీ వర్షాలు పడే అవకాశం ఉండటంతో వాతావరణశాఖ అప్రమత్తం చేసింది. భోగాపురం, విజయనగరం, అనకాపల్లి, విశాఖపట్నం, చోడవరం, వేపాడ, ఎస్.కోట ప్రాంతాల్లో ఉరుములు, మెరుపులతో కూడిన వర్షాలు, పిడుగులు పడే అవకాశం ఉందని హెచ్చరించింది.
Read Also : Bigg Boss Telugu 10 : బిగ్బాస్ హౌస్లోకి జబర్దస్త్ రామ్ ప్రసాద్.. ఎంట్రీ ఇస్తే డబుల్ ఎంటర్టైన్మెంట్!
ఈ సమయంలో గంటకు 40 నుంచి 50 కిలోమీటర్ల వేగంతో ఈదురుగాలులు వీచే అవకాశం ఉందని తెలిపింది. పిడుగులు పడే సమయంలో ప్రజలు అత్యవసరమైతే తప్ప బయటకు వెళ్లకపోవడం మంచిదని అధికారులు సూచిస్తున్నారు. ఉరుములు, మెరుపులు ప్రారంభమైనప్పుడు చెట్లు, విద్యుత్ స్తంభాలు, బహిరంగ ప్రదేశాలకు దూరంగా సురక్షిత భవనాల్లో ఉండాలని సూచించారు.
AP Telangana Rain Alert : ఈ జిల్లాలకు ఎల్లో అలర్ట్
పార్వతీపురం మన్యం, కాకినాడ, డాక్టర్ బీఆర్ అంబేద్కర్ కోనసీమ, తూర్పు గోదావరి, పశ్చిమ గోదావరి, ఏలూరు, శ్రీకాకుళం జిల్లాల్లోనూ వర్షాల ప్రభావం ఉండే అవకాశం ఉంది. ఆయా ప్రాంతాలకు వాతావరణశాఖ ఎల్లో అలర్ట్ జారీ చేసింది. మరోవైపు చిత్తూరు, తిరుపతి, నగరి, సత్యవేడు, పుత్తూరు తదితర ప్రాంతాల్లో తేలికపాటి నుంచి మోస్తరు వర్షాలు కురిసే అవకాశం ఉందని అధికారులు తెలిపారు. రాష్ట్రంలోని మిగతా ప్రాంతాల్లోనూ అక్కడక్కడ వర్షాలు పడే అవకాశం ఉంది.
తెలంగాణలోనూ రెండ్రోజులు వర్షాలు
తెలంగాణలోనూ రానున్న రెండు రోజుల్లో వర్షాలు కురిసే అవకాశం ఉందని వాతావరణశాఖ తెలిపింది. పెద్దపల్లి, భద్రాద్రి కొత్తగూడెం, నిజామాబాద్, జగిత్యాల, నిర్మల్, మంచిర్యాల, ఆదిలాబాద్, కుమ్రం భీమ్ ఆసిఫాబాద్ జిల్లాలకు ఎల్లో అలర్ట్ జారీ చేసింది. ఈ జిల్లాల్లో ఉరుములు, మెరుపులతో కూడిన వర్షాలు పడే అవకాశం ఉండటంతో పాటు గంటకు 40 కిలోమీటర్ల వేగంతో బలమైన గాలులు వీచే అవకాశం ఉందని అధికారులు హెచ్చరించారు.
Read Also : AP Cabinet Expansion : జనసేనకు నాలుగో మంత్రి పదవి ఖాయమేనా? నాగబాబుకేనా.. ఉత్తరాంధ్ర నేతకు ఛాన్స్ ఇస్తారా?
ప్రజలు అప్రమత్తంగా ఉండాలి
బంగాళాఖాతంలో ఏర్పడుతున్న వాతావరణ వ్యవస్థ ప్రభావంతో తెలుగు రాష్ట్రాల్లో వర్షాల తీవ్రత మరింత పెరిగే అవకాశం కనిపిస్తోంది. ఇప్పటికే ఏపీ, తెలంగాణలోని పలు జిల్లాల్లో వర్షాలు కురుస్తున్నాయి. రానున్న రెండు రోజులు కీలకం కావడంతో ప్రజలు వాతావరణశాఖ సూచనలు పాటించాలని అధికారులు సూచిస్తున్నారు.
ముఖ్యంగా పిడుగులు, ఈదురుగాలులు ఉన్న సమయంలో వ్యవసాయ పనులు, ప్రయాణాలు చేసే వారు అప్రమత్తంగా ఉండాలి. వర్షం సమయంలో వాగులు, కాలువలు, లోతట్టు ప్రాంతాల వద్దకు వెళ్లకపోవడం మంచిది.