Major movie amma song: ముంబై ఉగ్రదాడుల్లో వీర మరణం పొందిన మేజర్ సందీప్ ఉన్నీ కృష్ణన్ జీవితం ఆధారంగా తెరకెక్కిన చిత్రం మేజర్ గురించి ప్రత్యేకంగా చెప్పాల్సిన అవసరం లేదు. యంగ్ హీరో అడవి శేష్ హీరోగా నటించిన ఈ చత్రానికి శశి కిరణ్ తిక్క దర్శకత్వం వహించారు. జూన్ 3వ తేదీన ప్రపంచ వ్యాప్తంగా విడుదలైన ఈ చిత్రం ఘన విజయం సాధించింది. పాజిటివ్ టాక్ తో దూసుకుపోతున్న ఈ చిత్రంపై పలువురు సినీ, రాజకీయ ప్రముఖులు ప్రశంసలు కురిపిస్తున్నారు. ఈ సినిమాను ప్రతీ ఒక్కరూ చూడాలంటూ కితాబిస్తున్నారు. అయితే చాలా మంది ఈ సినిమాను చూసి ఎమోషనల్ అవుతున్నారు.
మేజర్ కు వస్తున్న విశేష స్పందనకు కానుకగా ఈ చిత్ర బృందం నుంచి ఓ ఎమోషనల్ వీడియో సాంగ్ ను రిలీజ్ చేశారు. కన్నా కన్నా అంటూ సాగే ఈ పాటలో మేజర్ సందీప్ ఉన్న కృష్ణన్ బాల్యం నుంచి సైన్యంలో చేరేందుకు బయలు దేరే సన్నివేశాలను చూపించారు. అయితే రామజోగయ్య శాస్త్రి రచించిన ఈ పాటకు శ్రీ చరణ్ పాకాల స్వరాలు సమకూర్చగా… ప్రముఖ గాయని చిత్ర ఆలపించారు. ప్రస్తుతం ఈ వీడియోన నెట్టింట వైరల్ గా మారింది. మీరూ ఓ లుక్కేసేయండి.
