Sarkaru Vari Pata : సూపర్ స్టార్ మహేష్ బాబు హీరోగా పరశురామ్ దర్శకత్వంలో తెరకెక్కుతోన్న సినిమా సర్కారు వారి పాట. ఇందులో కీర్తి సురేష్ హీరోయిన్గా నటిస్తుండగా… ఈ చిత్రాన్ని మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ సంయుక్తంగా నిర్మిస్తున్నారు. ఈ సినిమాకు తమన్ మ్యూజిక్ అందిస్తుండగా.. వెన్నెల కిశోర్, సుబ్బరాజు కీలకపాత్రలలో నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుపుకుంటోంది. తాజాగా ‘సర్కారు వారి పాట’ సినిమా నుంచి ఓ లిరికల్ వీడియోను రిలీజ్ చేశారు. ‘కళావతి’ అంటూ సాగే ఈ పాట కోసం సింగర్ సిద్ శ్రీరామ్ తో పాటు, తమన్.. కొందరు మ్యుజీషియన్స్ తీసుకొని పాటను చిత్రీకరించారు.
కాగా ఇటీవల సినిమాల ప్రమోషన్స్ లో భాగంగా లిరికల్ వీడియోలను రిలీజ్ చేస్తున్నారు. ‘అల వైకుంఠపురంలో’ సినిమా నుంచి ఈ లిరికల్ వీడియోలకు ఎక్కువ బడ్జెట్ కేటాయిస్తున్నారు. మ్యుజీషియన్స్ ను, సింగర్స్ ను తీసుకొచ్చి లిరికల్ వీడియోలను స్పెషల్ గా చిత్రీకరిస్తున్నారు. ఈ పాటలను ఎంతో గ్రాండ్ గా రిలీజ్ చేస్తున్నారు. మూవీ యూనిట్ అంతా ఒక రెండు నిమిషాల పాటు ఈ సాంగ్ లో కనిపించి అలరించడం తెలిసిన విషయమే. అయితే ఈ ఒక్క పాట కోసం ఎంత ఖర్చు పెట్టారో తెలిస్తే ఆశ్చర్యపోక మానరు. అవును అక్షరాల రూ. 60 లక్షలు ఈ కళావతి సాంగ్ కోసం ఖర్చు పెట్టారు.
సినిమా నుంచి విడుదలవుతున్న మొదటి పాట కావడంతో మంచి ఇంపాక్ట్ చూపిస్తుందని అంత ఖర్చు ఛేసినట్టు సమాచారం. కాకపోతే ఈ పాట ముందే లీకవ్వడంతో… వారి కష్టమంతా వృధా అయింది. దీంతో ఇక చేసేది ఏమిలేక ముందే పాటను రిలీజ్ చేశారు. ఇక ఈ చిత్రం మహేష్ బాబు కెరీర్లో 27వ సినిమాగా రాబోతుంది. ఈ సినిమా తర్వాత త్రివిక్రమ్ దర్శకత్వంలో మహేష్ బాబు చేయనున్న సినిమా సెట్స్ మీదకు వెళ్లనుంది. అందులో పూజా హెగ్డే హీరోయిన్ గా నటిస్తోంది.
Read Also : Health Tips : పానీపూరి తినడం వల్ల ఎన్ని ఉపయోగాలు ఉన్నాయో తెలుసా ?
