Nela Vakudu Chettu : నేల వాకుడు మొక్క.. బట్టతలపై వెంట్రుకలు మొలిపిస్తుంది తెలుసా? - Latest Telugu News

Nela vakudu chettu : ఈ భూమి మీద ముళ్ల జాతికి చెందిన మొక్కలు కూడా ఉంటాయి. ముళ్ల జాతికి చెందిన మొక్కల్లో కంటకారి మొక్క కూడా ఒకటి. దీనిని నేల ములక, నేల వాకుడు, ముళ్ల వంగ అని కూడా పిలుస్తుంటారు. ఈ చెట్టు నిండా ముళ్లు ఉంటాయి. ఈ మొక్కలు భూమి మీద మీటర్ పొడవు వరకు విస్తరించి పెరుగుతూ ఉంటాయి. ఈ మొక్క ఎక్కడైనా సులువుగా పెరుగుతూ ఉంటుంది. బీడు భూముల్లో, బంజరు భూముల్లో, అడవి ప్రాంతాల్లో ఎక్కువగా ఈ మొక్క పెరుగుతుంది. కంటకారి మొక్క ఆకులు, కాయలు, కాండం అన్నీ ముళ్లను కల్గి ఉంటాయి. వర్షాకాలం ప్రారంభంలో చిగురించడం నవంబర్, డిసెంబర్ నాటికి ఈ మొక్క నుండి వంకాయల్లా ఉండే కాయలు వ్తాయి. ఊ కాయలను కూరగా చేసుకొని కూడా తింటుంటారు.

ఈ చెట్టు పూలు నీలి రంగులో, ఎరుపు రంగులో ఉంటాయి. ఈ మొక్కను తాకడం కష్టమైనప్పటికీ ఎన్నో ఔషధ గుణఆలను కల్గి ఉంటుంది. మనకు వచ్చే అనేక రకాల అనారోగ్య సమస్యలను నయం చేయడంలో ఈ మొక్క ఎంతో ఉపయోగపడుతుంది. ఈ మొక్క వేరు కూడా ఔషధ గుణాలను కల్గి ఉంటుంది. ఆయుర్వేద నిపుణులు కూడా ఈ మొక్కను ఉపయోగించి అనేక రకాల వ్యాధులను నయం చేస్తున్నారు. పేను కొరుకుడును నయం చేయడంలో నేల వాకుడు మొక్క కాయలు ఎంతో ఉపయోగడుతాయి. ఈ మొక్క కాయలను దంచి వాటి నుండి రసాన్ని తీసి దానికి తేనెను కలిపి పేను కొరుకుడుకై రాయడం వల్ల ఈ సమస్య తగ్గుతుంది. ఆ ప్రాంతంలో మళ్లీ కొత్త వెంట్రుకలు కూడా వస్తాయి.

మూత్రాశయంలో రాళ్లను కరిగించే శక్తి కూడా ఈ మొక్కకు ఉంది. ఈ మొక్క సమూల చూర్ణాన్ని పూటకు ఆరు గ్రాముల చొప్పున రెండు పూటలా తీసుకోవడం వల్ల మూత్రాశయంలో రాళ్లు కరుగుతాయని నిపుణులు చెబుతున్నారు. ఈ చెట్టు కాయల రసాన్ని నుదిటిపై రాసుకోవడం వల్ల తల నొప్పి తగ్గుతుంది. పాము, తేలు విషాన్ని హరించే శక్తి కూడా ఈ మొక్కకు ఉంది. కంటకారి మొక్క వేరును ముద్దగా నూరి దానికి నిమ్మరసాన్ని కలిపి పాము లేదా తేలు కుట్టిన చోట ఉంచడం వల్ల విషానికి విరుగుడుగా పని చేస్తుంది.