WHATSAPP NEW FEATURE: త్వరలోనే ప్రముఖ సామాజిక మాధ్యమం అయన వాట్సాప్ లో మూడు టిక్కులు సదుపాయం రానుందనే వార్త ఓ రేంజ్ లోవైరల్ అవుతుంది. ఇందుకు సంబంధించి కొన్ని స్క్రీన్ షాట్లు ప్రస్తుతం నెటింట్లో బాగా కనిపిస్తున్నాయి. మనం మెసేజ్ పంపిన వ్యక్తి మన మెసేజ్లను కానీ, ప్రైవేట్ వీడియోలను కానీ, ఇతర ఫొటోలను స్క్రీన్ షాట్ తీస్తే ఈ మూడో టిక్ మనకు చెప్పేస్తుందని అనే న్యూస్ బాగా వినిపిస్తుంది. దీనిని వాట్సాప్ ప్రస్తుతం పరీక్షిస్తుందని మరి కొద్ది రోజుల్లోనే ఇది పూర్తిస్థాయిలో అందుబాటులోకి రానుందని కొంతమంది చెప్తున్నారు. అయితే ఈ మాటల్లో నిజం లేదని కొందరు వాదిస్తున్నారు.
ఓ రేంజ్ లో వైరల్ అయిన ఈ న్యూస్ పై వెబ్ బీటా ఇన్ఫో స్పందించింది. ఈ వార్తలను కొట్టి పారేసింది. అలాంటి ఫీచర్ అనేది ఏం లేదని తేల్చి చెప్పింది. ఈ వార్తలను పెద్దగా నమ్మవద్దని పేర్కొంది. ఇది కేవలం పుకారు మాత్రమే అని స్పష్టం చేసింది. ఇలాంటి వివరాలు ఏమైనా ఉంటే కచ్చితంగా వాట్సాప్ వినియోగదారులకు తెలియజేస్తుందని వివరించింది వెబ్ బీటా ఇన్ఫో .
నార్మల్ గా అయితే టిక్ లకు సంబంధించిన మ్యాటర్ అందరికీ తెలుసు. మనం మెసేజ్ చేసినప్పుడు ఆ మెసేజ్ డెలివరీ కాకపోతే కేవలం ఒక బూడిద రంగు టిక్ కనిపిస్తుంది. అదే డెలివరీ అయితే రెండు బూడిద రంగు టిక్లు కనిపిస్తాయి. ఓ వేళ మనం పంపిన వ్యక్తి చూస్తే మాత్రం రెండు బ్లూ టిక్కులు కనిపిస్తాయి. ఈ ప్రాసెస్ గురించి అందరికీ తెలుసు. కానీ మన ప్రైవేట్ చాట్ ను స్క్రీన్ షాట్ తీస్తే మూడో టిక్ వచ్చేది మాత్రం పక్కా ఫేక్ న్యూస్ అని అర్థం అవుతుంది.