Chiranjeevi: నాలుగు సంవత్సరాల నుంచి ఎంతో ఎదురుచూసిన ఆర్ఆర్ఆర్ సినిమా నేడు ప్రపంచ వ్యాప్తంగా అత్యధిక థియేటర్లలో విడుదలైంది. ఈ క్రమంలోనే సాధారణ అభిమానుల నుంచి సెలబ్రిటీల వరకు పెద్ద ఎత్తున థియేటర్లకు వెళ్లి ఈ సినిమాని చూస్తున్నారు. ఇకపోతే ఎన్టీఆర్ కుటుంబం మెగా కుటుంబం ఈ సినిమాని వీక్షించారు. ఈ క్రమంలోనే మెగా కుటుంబ సభ్యులందరూ కలిసి ఆర్ఆర్ఆర్ టీమ్ బెనిఫిట్ షోలను చూసింది. ఈ సినిమా చూసిన అనంతరం మెగాస్టార్ చిరంజీవి ఈ సినిమాపై స్పందించారు.
ఈ సందర్భంగా మెగాస్టార్ చిరంజీవి ఈ సినిమా గురించి మాట్లాడుతూ…ఆర్ఆర్ఆర్ ఎలా ఉంది అంటే.. చెప్పడానికి మాటలు లేవని.. సింప్లి సూపర్బ్ అని అన్నారు. ముఖ్యంగా ఈ సినిమాలు చరణ్ తారక్ మధ్య బాండింగ్ ఎంతో అద్భుతంగా ఉందని మెగాస్టార్ వెల్లడించారు.ఇక వీరిద్దరి డాన్స్ పర్ఫార్మెన్స్ చూడటానికి రెండు కళ్ళు సరిపోలేదన్ని చిరంజీవి వెల్లడించారు. చిత్ర పరిశ్రమలో ఇలాంటి ఎన్నో సినిమాలు ప్రేక్షకుల ముందుకు రావాలని చిరంజీవి ఆశాభావం వ్యక్తం చేశారు.
మెగాస్టార్ చిరంజీవి తన తల్లి అంజనాదేవితో పాటు తన కూతురు తన భార్య మనవరాళ్లతో సహా ఈ సినిమాని చూశారు.ఇక చిరంజీవి కూతురు సుస్మిత ఈ సినిమాపై స్పందిస్తూ ఈ సినిమా చూస్తున్నంత సేపు సంతోషంతో కడుపు నిండిపోయిందని తెలిపారు. అలాగే ఈ సినిమా అయిపోయే వరకు ఎన్టీఆర్ చరణ్ ఇద్దరు సొంత అన్నదమ్ములు అన్న భావన కలిగిందని సుస్మిత వెల్లడించారు.సినిమా క్లైమాక్స్ లో ఇద్దరూ కలిసి రావడం అద్భుతమైన సీన్ అనిపించింది. నాకు ఆ సీన్ చాలా బాగా నచ్చిందని సుస్మిత ఈ సినిమాపై స్పందించారు.
