- బిగ్ బాస్ తెలుగు 10లో జబర్దస్త్ నటుడు.. రామ్ ప్రసాద్ ఎంట్రీపై ఆసక్తికర టాక్
- జబర్దస్త్ రామ్ ప్రసాద్కు బిగ్ బాస్ ఆఫర్? హౌస్లోకి ఎంట్రీపై టాక్
- జబర్దస్త్ కమెడియన్ ఎంట్రీపై వైరల్ అవుతున్న వార్తలు
Bigg Boss Telugu 10 : తెలుగు బుల్లితెరపై బిగ్ బాస్ షోకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ప్రతి సీజన్లో కొత్త కంటెస్టెంట్లు, అనూహ్యమైన టాస్కులు, గొడవలు, ఎమోషన్స్, కామెడీతో ప్రేక్షకులను ఆకట్టుకునే ఈ రియాలిటీ షోకు మరోసారి రంగం సిద్ధమవుతోంది. Bigg Boss Telugu Season 10 కోసం అభిమానులు ఆసక్తిగా ఎదురుచూస్తున్నారు.
త్వరలోనే బిగ్ బాస్ తెలుగు 10 ప్రారంభం కానున్న నేపథ్యంలో ఈసారి హౌస్లోకి ఎవరు అడుగుపెడతారనే చర్చ సోషల్ మీడియాలో (Bigg Boss Telugu 10) జోరుగా సాగుతోంది. గత సీజన్ల తరహాలోనే ఈసారి కూడా షోను మరింత ఆసక్తికరంగా మార్చేందుకు మేకర్స్ ప్లాన్ చేస్తున్నట్లు తెలుస్తోంది.
Read Also : Thalliki Vandanam : తల్లికి వందనం డబ్బులు రాలేదా? ఆగస్టు 30న కీలక అప్డేట్.. తల్లుల ఖాతాల్లో రూ.13,000 జమ
ఈ సీజన్కు కూడా కింగ్ నాగార్జునే హోస్ట్గా వ్యవహరించనున్నారని ఇప్పటికే ప్రచారం జరుగుతోంది. మరోవైపు, సామాన్యులకు కూడా అవకాశం కల్పించే విధానాన్ని కొనసాగిస్తూ కామనర్స్కు బిగ్ బాస్ హౌస్లో ఛాన్స్ ఇవ్వనున్నట్లు తెలుస్తోంది.
అగ్నిపరీక్ష 2 ద్వారా కామనర్స్కు అవకాశం.. కంటెస్టెంట్లపై ఆసక్తి
బిగ్ బాస్ తెలుగు 10కు ముందు అగ్నిపరీక్ష 2 కూడా త్వరలో ప్రారంభం కానున్నట్లు సమాచారం. ఇందులో కొందరు సామాన్యులను ఎంపిక చేసి వారికి బిగ్ బాస్ హౌస్లోకి వెళ్లే అవకాశం కల్పించనున్నట్లు టాక్ వినిపిస్తోంది. ఇప్పటికే బిగ్ బాస్ 10 కోసం పలువురు ఆడిషన్స్కు హాజరవుతున్నారని తెలుస్తోంది. కొందరు ఆడిషన్స్లో ఎంపికయ్యారని, మరికొందరి పేర్లు కంటెస్టెంట్ల జాబితాలో ఉన్నాయని సోషల్ మీడియాలో ప్రచారం జరుగుతోంది.
ఈ క్రమంలో బిగ్ బాస్ 10 కంటెస్టెంట్లుగా పలువురు సెలబ్రిటీలు, యూట్యూబర్లు, సోషల్ మీడియా క్రియేటర్ల పేర్లు నెట్టింట చక్కర్లు కొడుతున్నాయి. పల్లవి గౌడ, తేజస్విని గౌడ, ఎక్స్ప్రెస్ హరి, జబర్దస్త్ నూకరాజు, రాకింగ్ రాకేష్, ఆట సందీప్ భార్య జ్యోతి, సోషల్ మీడియా ఇన్ఫ్లుయెన్సర్ నందూస్ వరల్డ్ అలియాస్ నందు, రాయల్ ఎంసీ రమణ, శివ్, యాటిట్యూడ్ స్టార్ చంద్రహాస్, రైటర్ కడలి సత్యనారాయణ, వర్ష, పవిత్ర, వర్షిణీ తదితరుల పేర్లు సోషల్ మీడియాలో వినిపిస్తున్నాయి. అయితే వీరిలో ఎవరు నిజంగా బిగ్ బాస్ హౌస్లోకి అడుగుపెడతారనే దానిపై అధికారిక ప్రకటన రావాల్సి ఉంది. ప్రస్తుతం సోషల్ మీడియాలో ప్రచారంలో ఉన్న పేర్లుగానే వీటిని చూడాల్సి ఉంటుంది.
జబర్దస్త్ రామ్ ప్రసాద్ పేరు వైరల్.. బిగ్ బాస్ హౌస్లోకి వస్తారా?
ఇదిలా ఉంటే.. ఇప్పుడు బిగ్ బాస్ 10 కంటెస్టెంట్ల చర్చలో జబర్దస్త్ నటుడు రామ్ ప్రసాద్ పేరు ప్రత్యేకంగా వినిపిస్తోంది. జబర్దస్త్ కామెడీ షో ద్వారా రామ్ ప్రసాద్ ప్రేక్షకుల్లో మంచి గుర్తింపు తెచ్చుకున్నారు. తనదైన కామెడీ టైమింగ్తో స్కిట్లలో నవ్వులు పూయించిన ఆయనకు బుల్లితెరపై మంచి ఫాలోయింగ్ ఉంది.
జబర్దస్త్తో గుర్తింపు పొందిన రామ్ ప్రసాద్ ఆ తర్వాత కొన్ని సినిమాల్లోనూ నటించారు. కామెడీతో పాటు నటుడిగా కూడా తన సత్తా చాటేందుకు ప్రయత్నించారు. ఇప్పుడు ఆయన బిగ్ బాస్ తెలుగు 10లోకి కంటెస్టెంట్గా ఎంట్రీ ఇవ్వనున్నారనే ప్రచారం మరింత ఊపందుకుంది.
బిగ్ బాస్ టీమ్ ఇప్పటికే రామ్ ప్రసాద్ను సంప్రదించిందని, ఆయన కూడా షోలో పాల్గొనేందుకు ఓకే చెప్పారని టాక్ వినిపిస్తోంది. అయితే ఈ విషయంపై ఇప్పటివరకు అధికారికంగా ఎలాంటి ప్రకటన వెలువడలేదు.
దీంతో రామ్ ప్రసాద్ నిజంగానే బిగ్ బాస్ హౌస్లోకి వెళ్తారా? లేదా? అనేది త్వరలోనే క్లారిటీ వచ్చే అవకాశం ఉంది. ఒకవేళ రామ్ ప్రసాద్ బిగ్ బాస్ హౌస్లోకి అడుగుపెడితే మాత్రం కామెడీకి కొదవ ఉండదని అభిమానులు భావిస్తున్నారు.
జబర్దస్త్లో తన కామెడీతో ప్రేక్షకులను నవ్వించిన ఆయన బిగ్ బాస్ హౌస్లోకి వస్తే టాస్కులు, హౌస్మేట్స్తో సరదా సన్నివేశాలు మరింత ఎంటర్టైనింగ్గా మారే అవకాశం ఉంది. మరి సోషల్ మీడియాలో వినిపిస్తున్న ఈ టాక్ నిజమవుతుందా? రామ్ ప్రసాద్ నిజంగానే బిగ్ బాస్ 10లోకి అడుగుపెడతారా? అన్నది అధికారిక ప్రకటన వచ్చే వరకు వేచి చూడాల్సిందే.