Actress Hema : బావగారు చిరంజీవి, బాయ్‌ఫ్రెండ్‌లా నాగార్జున.. హేమ సంచలన కామెంట్స్

• నాగార్జునంటే క్రష్.. మనసులో మాట బయటపెట్టిన హేమ
• చాపల పులుసు నుంచి సిగ్గు వరకు.. నాగార్జునతో హేమ అనుభవాలు
• దూరం నుంచే నాగార్జునను చూస్తూ ఉండేదాన్ని: హేమ ఆసక్తికర కథనం
• సంఘవి పరిచయం చేయగానే సిగ్గుపడిన హేమ.. నాగార్జున క్రష్ స్టోరీ

Actress Hema : సినీ రంగంలో కొందరు తారలు తమకు నచ్చిన నటుల గురించి చెప్పే మాటలు ఎప్పుడూ ప్రత్యేకమైన ఆసక్తిని రేకెత్తిస్తాయి. తాజాగా నటి హేమ, అక్కినేని నాగార్జున పట్ల తనకున్న అభిమానాన్ని ఎలాంటి సంకోచం లేకుండా పంచుకున్నారు. వాటిలో కొన్ని జ్ఞాపకాలు నవ్వు తెప్పించేవి కాగా, మరికొన్ని ఆమె అభిమానానికి అద్దం పట్టేలా ఉన్నాయి.

పది నిమిషాలు వస్తానన్న నాగార్జున

హేమ ఇంటి పక్కనే ఉన్న స్టేట్ ఆర్ట్ గ్యాలరీలో నాగార్జున ఒకసారి షూటింగ్‌లో ఉన్నప్పుడు, ఆమె ఆయనను (Actress Hema) భోజనానికి ఆహ్వానించారు. మొదట్లో లంచ్‌కు రానని నాగార్జున చెప్పినా, కేవలం పది నిమిషాలు వస్తానని మాట ఇచ్చారు. ఈ అవకాశాన్ని హేమ వదులుకోలేదు.

తన సహాయకుడు చంద్ర సహకారంతో నాగార్జునకు ఇష్టమైన చాపల పులుసు, ముద్దపప్పు, ఆవకాయ, నెయ్యి, రసం వంటి వంటకాలను శ్రద్ధగా తయారు చేయించారు. నాగార్జున వచ్చిన వెంటనే, ఇన్ని వంటకాలు ఎందుకు చేశారని కొంచెం అసంతృప్తి వ్యక్తం చేసినా, హేమ మాత్రం ప్రేమగా వడ్డించారట. ఆ రోజును తాను జీవితంలో మర్చిపోలేనని ఆమె అన్నారు.

Read Also : Varun Tej : మెగా ఫ్యాన్స్ వెయిటింగ్‌కు ఫుల్‌స్టాప్.. ఫస్ట్ టైం వాయువ్ తేజ్ ఫేస్ రివీల్ చేసిన వరుణ్-లావణ్య

నాగార్జున పట్ల తనకున్న భావాన్ని హేమ వర్ణిస్తూ, చిరంజీవిని అన్నయ్యలా, ఇంటి పెద్దలా చూస్తానని, కానీ నాగార్జునను మాత్రం సన్నిహిత మిత్రుడిగా భావిస్తానని చెప్పారు. గీతాంజలి, శివ వంటి చిత్రాల ద్వారా నాగార్జున తెలుగు తెరపై కొత్త తరహా రొమాంటిక్ హీరోగా నిలిచారని, ఆ సినిమాలు చూసిన తర్వాతే తనకు ఆయనపై ఇష్టం పెరిగిందని హేమ గుర్తుచేసుకున్నారు.

సంఘవి పరిచయం.. సిగ్గుతో ముడుచుకుపోయిన హేమ

వారసుడు చిత్ర షూటింగ్ సమయంలో నగ్మాతో తనకు ఏర్పడిన స్నేహాన్ని కూడా హేమ ప్రస్తావించారు. తెలుగు రాకపోవడంతో నగ్మాను ఎవరైనా ఆటపట్టిస్తే, హేమ వెంటనే స్పందించేవారట. తర్వాత గొప్పింటి అల్లుడు చిత్రం షూటింగ్‌లో బాలకృష్ణతో కలిసి నటిస్తున్నప్పుడు, పక్కనే నాగార్జున షూటింగ్ జరుగుతుండగా, ఆయనను దూరం నుంచి గమనిస్తూ ఉండేవారట.

ఇది గమనించిన సహనటి సంఘవి, హేమను నేరుగా నాగార్జున వద్దకు తీసుకెళ్లి పరిచయం చేశారు. ఆ క్షణంలో మాటలు రాక సిగ్గుపడిన హేమ, తన గోరింటాకు పెట్టుకున్న పాదాలను నాగార్జున చూసి అడగగానే, వెంటనే చీర కట్టుకుని కాళ్లను దాచేసుకున్నానని నవ్వుతూ చెప్పారు.