Nayanathara : పెళ్లి ముహూర్తం కుదిరింది.. తిరుపతిలో ఘనంగా పెళ్లి చేసుకోనున్న నయనతార!

Nayanathara: లేడీ సూపర్ స్టార్ గా ఎంతో మంచి గుర్తింపు సంపాదించుకుని వరుస సినిమాలతో ఎంత బిజీగా ఉన్న నయనతార గత కొన్ని సంవత్సరాల నుంచి దర్శకుడు విగ్నేష్ శివన్ తో ప్రేమలో ఉన్న సంగతి మనకు తెలిసిందే. ఈ క్రమంలోనే వీరిద్దరూ ఓకే ఫ్లాట్లో నివసిస్తున్నారని పెద్దఎత్తున వీరి గురించి వార్తలు షికార్లు చేశాయి. ఇకపోతే ఇదివరకే ఈ జంట నిశ్చితార్థాన్ని జరుపుకున్నారని సోషల్ మీడియాలో వార్తలు వినిపించాయి. ఇక త్వరలోనే వీరిద్దరూ కేరళలో చర్చిలో వివాహం చేసుకోనున్నారు అంటూ పెద్ద ఎత్తున ఈ వార్తలు చక్కర్లు కొట్టాయి.

అయితే తాజాగా నయనతార విగ్నేష్ శివన్ పెళ్లి చేసుకోవడానికి సిద్ధమైనట్లు తెలుస్తోంది. ఈ క్రమంలోనే వీరి పెళ్లికి ముహూర్తం కూడా కుదిరిందని వార్తలు వస్తున్నాయి. జూన్ 9వ తేదీ ఈ జంట మూడుముళ్ల బంధంతో ఒకటి కానున్నారు. అయితే కేరళలో చర్చిలో వీరి వివాహం జరుగుతుందన్న వార్తలలోఏ మాత్రం నిజం లేదు వీరి పెళ్లి కలియుగ దైవమైన శ్రీ వారి సన్నిధిలో జరగనున్నట్లు సమాచారం.

ఈ క్రమంలోనే తాజాగా నయనతార విఘ్నేష్ శివన్ తిరుమల చేరుకొని స్వామివారిని దర్శించుకున్న అనంతరం వీరి పెళ్లికి కావలసిన ఏర్పాట్లను పరిశీలిస్తున్నట్లు తెలుస్తోంది. ఏది ఏమైనా ఇన్ని రోజుల పాటు ప్రేమలో ఉన్నటువంటి ఈ ప్రేమ పక్షులు ఎట్టకేలకు జూన్ 9వ తేదీ మూడుముళ్ల బంధంతో ఒకటి కానున్నారనే వార్త తెలియడంతో పెద్ద ఎత్తున అభిమానులు సోషల్ మీడియా వేదికగా శుభాకాంక్షలు తెలియజేస్తున్నారు.