Singer kk passed away: సినీ పరిశ్రమలో విషాదం… గాయకుడు కేకే హఠాన్మరణం
1 min read
Singer kk passed away: ప్రముఖ బాలీవుడ్ గాయకుడు కేకే ఆకస్మికంగా మృతి చెందారు. కేకే పేరుతో ప్రసిద్ధి గాంచిన కృష్ణకుమార్ కున్నాథ్ కోల్ కతాలోని ఓ హోటల్ లో ఒక్కసారిగా కుప్పకూలిపోయారు. విషయం గుర్తించిన సిబ్బంది వెంటనే ఆయనను నగరంలోని సీఎంఆర్ఐ ఆస్పత్రికి తరలించారు. అయితే అప్పటికే కేకే మృతి చెందినట్లు వైద్యులు ధ్రువీకరించారు. కేకే చనిపోవడానికి ముందు తను ప్రదర్శన ఇస్తున్న పోస్టులను సోషల్ మీడియా ద్వారా అభిమానులతో పంచుకున్నారు.
అయితే కేకే గత మూడు దశాబ్దాలుగా హిందీ, తమిళ, తెలుగు, కన్నడ, బెంగాలీ భాషల్లో అనేక చిత్రాల్లో పాటలు పాడారు. కేకే మృతి విషయం తెలుసుకున్న సినీ, రాజకీయ, వ్యాపార ప్రముఖులందరూ తీవ్ర దిగ్ర్భాంతి వ్యక్తం చేస్తున్నారు. కేకే అభిమానులు అయితే కన్నీరుమున్నీరు అవుతున్నారు. కేకే పాటలు అన్ని వయసుల వారిని ఆకట్టుకునేలా ఉండేవి.
From today’s performance pic.twitter.com/bS9FFF4TPm
— Indra The_Great (@indra20099) May 31, 2022
“కేకే పాటలు అన్ని రకాల భావోద్వేగాలను ప్రతిబింబిస్తాయి. అన్ని వయసుల వారిని అలరిస్తాయి. ఆయన పాడిన పాటలతో కేకే ప్పటికీ గుర్తుంటారు. కేకే కుటుంబ సభ్యులకు నా ప్రగాఢ సానుభూతి. ఓం శాంతి” అని ప్రధాని మోదీ ట్వీట్ చేశారు.
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022
