RRR movie dosthi song :దర్శకధీరుడు రాజమౌళి డైరెక్షన్ లో యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్ హీరోలుగా నటించిన ఆర్ఆర్ఆర్ సినిమా గురించి ప్రత్యేకంగా చెప్పాల్సిన అవసరం లేదు. అయితే మార్చి 25వ తేదీన రిలీజ్ అయిన ఈ చిత్రం ఎన్నెన్నో రికార్డులను సొంతం చేసుకుంటుంది. ఓవైపు బాక్సాఫీసు వద్ద ప్రభంజనం సృష్టిస్తూనే… మరో వైపు ప్రపంచ వ్యాప్తంగా పేరొందుతోంది. అయితే ఈ సినిమాలోని రామ్ చరణ్ – తారక్ ల మధ్య సాగే దోస్తీ పాటకు ఫిదా అయ్యారు అభిమానులు. రామ్చరణ్, ఎన్టీఆర్ ఒకే ఫ్రేమ్లో కనిపించిన తీరు అందరినీ ఆకట్టుకుంటోంది. విభిన్న ధృవాల మధ్య స్నేహం గురించి వివరించే ఈ పాటను సిరివెన్నెల సీతారామశాస్త్రి రచించగా కాలభైరవ ఆలపించారు. ఎం.ఎం.కీరవాణి స్వరాలందించారు.
అయితే తాజాగా ఈ పాట పూర్తి వీడియో సాంగ్ను చిత్ర బృందం విడుదల చేసింది. అయితే రిలీజ్ అయిన క్షణాల్లోనే ఈ పాటు లక్షల్లో వ్యూస్ సంపాదించింది. ఇంకా ముందుకు దూసుకెల్తూనే ఉంది. ఇది వరకే ఈ సినిమా నుంచి ఎత్తర జెండా, కొమ్మ ఉయ్యాల పూర్తి వీడియో సాంగ్స్ను మేకర్స్ విడుదల చేశారు.
