Wheat Grass Juice : ప్రస్తుత కాలంలో ప్రతి ఒక్కరూ ఎదుర్కొంటున్న సమస్యలలో మధుమేహ సమస్య ఒకటి. రోజురోజుకు మధుమేహంతో బాధపడే వారి సంఖ్య అధికమవుతోంది. ఈ క్రమంలోనే మధుమేహాన్ని నియంత్రించుకోవడం కోసం వివిధ రకాల వ్యాయామాలతో పాటు ఆహార నియమాలను కూడా పాటిస్తూ ఉంటారు. ఈ క్రమంలోనే మధుమేహంతో బాధపడేవారు మధుమేహాన్ని నియంత్రణలో ఉంచుకోవాలంటే గోధుమ గడ్డి చక్కని పరిష్కార మార్గం అని నిపుణులు చెబుతున్నారు.
గోధుమ గడ్డిలో ప్రోటీన్, ఫ్లేవనాయిడ్స్, క్లోరోఫిల్, విటమిన్-సి, విటమిన్-ఇ, మినరల్స్, ఫైబర్, యాంటీ-ఆక్సిడెంట్ లక్షణాలు మెండుగా లభిస్తాయి. ఇది శరీరంలోని చక్కెర స్థాయిలను నియంత్రణలో ఉంచడమే కాకుండా ఎన్నో రకాల ఆరోగ్య ప్రయోజనాలను కూడా కలిగిస్తుంది. మరి గోధుమ గడ్డి ద్వారా కలిగే ఆరోగ్య ప్రయోజనాలు ఏమిటి అనే విషయానికి వస్తే…
మధుమేహంతో బాధపడేవారు ప్రతిరోజూ ఒక గ్లాసు గోధుమగడ్డి తీసుకోవడం వల్ల మన శరీరంలో చక్కెర స్థాయిలను అదుపులో ఉంచుకోవచ్చు.
గోధుమ గడ్డిలో ఫైబర్ అధికంగా ఉంది కేలరీలు చాలా తక్కువగా ఉంటాయి. ఈ జ్యూస్ క్రమం తప్పకుండా తాగటం వల్ల తొందరగా ఆకలి అనే భావన కలగదు తద్వారా శరీర బరువును తగ్గించుకోవడానికి గోధుమ గడ్డి ఎంతగానో ఉపయోగపడుతుంది.
గోధుమ గడ్డి జ్యూస్ తరచు తాగడం వల్ల మన శరీరంలో పేరుకుపోయిన చెడు కొలెస్ట్రాల్ పెరిగి గుండె సంబంధిత వ్యాధులను నియంత్రించడంలో కీలక పాత్ర పోషిస్తుంది.
గోధుమ గడ్డి రసంలో క్లోరోఫిల్ ఉంటుంది. దీని కారణంగా శరీరంలోని టాక్సిన్స్ బయటకు వస్తాయి. తద్వారా కాలేయం పనితీరు మెరుగు పడి సమస్యలు లేకుండా కాపాడుతుంది.