- వినాయకుడు హీరో ఇప్పుడు బిగ్ బాస్ హౌస్లో.. పదేళ్ల గ్యాప్ తర్వాత
- మందుల వల్ల బరువు పెరిగా.. కృష్ణుడు ఎమోషనల్ కామెంట్స్
- పాలిటిక్స్, సినిమాలకు దూరమైన కృష్ణుడు.. బిగ్ బాస్తో కమ్బ్యాక్
- హల్ చల్ తర్వాత కనిపించని కృష్ణుడు.. బిగ్ బాస్ 10లో సర్ప్రైజ్ ఎంట్రీ
Bigg Boss Telugu 10 : బిగ్ బాస్ తెలుగు సీజన్ 10 హౌస్లోకి మరో పాత పరిచయం ఎంట్రీ ఇచ్చింది. వినాయకుడు, విలేజ్ లో వినాయకుడు, హ్యాపీడేస్ వంటి సినిమాలతో తెలుగు ప్రేక్షకులకు సుపరిచితుడైన కృష్ణుడు ఇప్పుడు బిగ్ బాస్ వేదిక మీద కనిపించనున్నాడు. ఇది సీజన్ 10లో సామాన్యులకు ప్రాధాన్యం ఇస్తూ కొందరు కామనర్స్ను హౌస్లోకి పంపిస్తున్న క్రమంలో జరిగిన ఎంట్రీ.
హీరోగా, క్యారెక్టర్ ఆర్టిస్టుగా అనేక సినిమాల్లో నటించిన కృష్ణుడు, వినాయకుడు చిత్రంలో తన అభినయంతో మంచి గుర్తింపు తెచ్చుకున్నాడు. ఆ సినిమా బాక్సాఫీస్ వద్ద సూపర్ హిట్గా నిలిచింది. అయితే గత కొన్నేళ్లుగా కృష్ణుడు తెరపై కనిపించడం లేదు.
2019లో వచ్చిన హల్ చల్ చిత్రమే అతను నటించిన చివరి సినిమా. ఆ తర్వాత మరే ప్రాజెక్టులోనూ కనిపించలేదు. మధ్యలో కొన్ని పొలిటికల్ కామెంట్స్తో వార్తల్లో నిలిచిన కృష్ణుడు, ప్రస్తుతం సినిమాలు, రాజకీయాలు రెండింటికీ దూరంగా ఉంటున్నాడు.
సినిమాల్లోకి రావడం వెనుక కథ
తన యూట్యూబ్ వీడియోలో కృష్ణుడు తన కెరీర్ గురించి ఆసక్తికర విషయాలు పంచుకున్నాడు. చిన్నప్పటి నుంచి సినిమాలంటే తనకు విపరీతమైన ఇష్టం ఉండేదని చెప్పాడు. అప్పట్లో చాలామంది తనను సినిమాల్లో ట్రై చేయమని, అలా చేస్తే ఉన్నత స్థాయికి చేరుకుంటానని ప్రోత్సహించారని తెలిపాడు.
ఆ ప్రోత్సాహంతోనే ఇండస్ట్రీలోకి అడుగుపెట్టానని చెప్పుకొచ్చాడు. అయితే కొంతకాలానికి ఇండస్ట్రీలో తనకు కొత్తగా ఏమీ అనిపించలేదని, అందుకే క్రమంగా దూరమయ్యానని వివరించాడు. ప్రస్తుతం మళ్లీ తనకు సినిమా అవకాశాలు వస్తున్నాయని కూడా వెల్లడించాడు.
యాక్సిడెంట్, బరువు పెరగడంపై ఎమోషనల్ కామెంట్స్
గతంలో సన్నగా, హీరో లుక్లో కనిపించే కృష్ణుడు రూపం ఇప్పుడు గణనీయంగా మారింది. ఒక యాక్సిడెంట్ తర్వాత వాడిన మందుల కారణంగా బాగా బరువు పెరిగినట్లు కృష్ణుడు తెలిపాడు. ఈ విషయాన్ని చెబుతూ అతను భావోద్వేగానికి గురయ్యాడు.
తూర్పు గోదావరి జిల్లా రాజోలుకు చెందిన కృష్ణుడు, దాదాపు పదేళ్లుగా చిత్రసీమకు దూరంగా ఉన్నాడు. ఇన్నేళ్ల గ్యాప్ తర్వాత బిగ్ బాస్ హౌస్ ద్వారా మళ్లీ ప్రేక్షకుల ముందుకు రానున్నాడు. ఇప్పుడు హౌస్లో కృష్ణుడు ఎలాంటి వినోదం అందిస్తాడో, తన పాత అభిమానులను ఎంతవరకు ఆకట్టుకుంటాడో చూడాలి.
