IAS Cute Love Story : అదో ఖమ్మం అడిషినల్ కలెక్టర్ లవ్ స్టోరీ.. ఆ ట్రైనీ కలెక్టర్ క్యూట్ లవ్ స్టోరీకి సంబంధించి వెడ్డింగ్ ఇన్విటేషన్ సోషల్ మీడియాలో వైరల్ అవుతోంది. తొలిచూపులో ప్రేమలో పడిన ఆయన.. పెళ్లివరకు ఎలా నడిపించారో అంతా ఒక కవిత రూపంలో అందంగా తీర్చిదిద్దారు. ఆ కవితను ఒక యానిమేషన్ రూపంలో వెడ్డింగ్ ఇన్విటేషన్ క్రియేట్ చేశారు.. ఇప్పుడా ఆ వెడ్డింగ్ కార్డు నెట్టంట్లో అందరిని ఆకట్టుకుంటోంది. బస్టాప్లో మొదలైన తొలిప్రేమ.. పెళ్లిపీటల వరకు ఎలా తీసుకెళ్లారనేది మొత్తం వెడ్డింగ్ ఇన్విటేషన్ కార్డులో చక్కగా చూపించారు.
బస్టాప్ లో కనిపించిన యువతిని చూడగానే తొలిచూపులో ప్రేమలో పడిపోయారు.. ఇక పెళ్లంటూ చేసుకుంటే ఆ అమ్మాయినే చేసుకోవాలని ఫిక్స్ అయిపోయారు. ఆయనే… రాహుల్.. మహబూబ్ నగర్ జిల్లా.. ప్రస్తుతం ఖమ్మం జిల్లా ట్రైనీ కలెక్టర్ గా పనిచేస్తున్నారు. అయితే ఈ 10వ తేదీన తాను ప్రేమించిన అమ్మాయి మనీషాని పెళ్లి చేసుకోబోతున్నారు. పెళ్లి సందర్భంగా తన ప్రేమ ప్రయాణం ఎలా సాగిందో వెడ్డింగ్ కార్డును షార్ట్ వీడియో యానిమేషన్ గా రూపొందించారు.
IAS Cute Love Story : కలెక్టర్ క్యూట్ లవ్స్టోరీ.. వెడ్డింగ్ కార్డ్ వైరల్..
ఇప్పుడా వీడియో నెట్టింట్లో వైరల్ అవుతోంది. రాహుల్-మనీషా.. ప్రేమకు పెద్దలు కూడా ఓకే చెప్పేయడంతో పెళ్లి పీఠలు ఎక్కుతున్నారు. బస్సులో మొదలైన ప్రేమ ప్రయాణం నుంచి దేవాలయంలో లవ్ ప్రపోజల్, ఆపై పెద్దలను ఒప్పించడం, ఎంగేజ్మెంట్.. ఫెళ్లి ఫిక్స్ కావడం అంతా వీడియో రూపంలో రూపొందించారు.
ఈ నెల 10న ఉదయం 11.55 గంటలకు ఐఏఎస్ అధికారి రాహుల్-మనీషా వివాహం మహబూబ్ నగర్లో అంగరంగ వైభవంగా జరగనుంది. ఖమ్మం ట్రైనీ కలెక్టర్గా పని చేస్తున్న రాహుల్ తన వాయిస్తో ఒక్క అందమైన కవితను జోడించారు. ఇప్పుడా వెడ్డింగ్ కార్డు యానిమేషన్ వీడియో నెట్టింట్లో వైరల్ అవుతోంది.
