Prabhas : కన్నడ పవర్ స్టార్ పునీత్ రాజ్ కుమార్ గతేడాది అక్టోబర్ 29న గుండె పోటుతో ఈ లోకాన్ని వీడి వెళ్లిన విషయం అందరికి తెలిసిందే. ఆయన అకాల మరణంతో కేవలం కన్నడ సినీ పరిశ్రమే కాకుండా యావత్ సినీ ప్రపంచం శోకసంద్రంలో మునిగిపోయింది. కాగా పునీత్ నటించిన చివరి చిత్రం జేమ్స్ ఇప్పుడు విడుదలకు సిద్ధమైంది. ఈ సినిమాకు చేతన్ కుమర్ దర్శకత్వం వహించగా… కిషోర్ పత్తికొండ నిర్మించారు. అలానే ఈ మూవీలో టాలీవుడ్ హీరో శ్రీకాంత్, శరత్ కుమార్ కీలకపాత్రలలో నటించారు.
ఈ చిత్రాన్ని పునీత్ పుట్టిన రోజున మార్చి 17న ప్రేక్షకుల ముందుకు తీసుకురావాలని భావిస్తున్నారు మేకర్స్. ఈ సినిమా షూటింగ్ పూర్తై.. పోస్ట్ ప్రొడక్షన్ పనులు జరుపుకుంటున్న సమయంలో పునీత్ రాజ్ కుమార్ ప్రాణాలు విడిచారు. ఈ క్రమంలో సినిమా ప్రమోషన్స్ వేగవంతం చేశారు చిత్రయూనిట్. ఈ సందర్భంగా నిన్ననే జేమ్స్ మూవీ టీజర్ ను చిత్ర బృందం విడుదల చేశారు. ఇందులో పునీత్ పాత్రకు ఆయన సోదరుడు శివకుమార్ ఇటీవల డబ్బింగ్ చెప్పారు.
ఈ మేరకు పాన్ ఇండియా స్టార్ ప్రభాస్ పునీత్ రాజ్ కుమార్ను గుర్తు చేసుకుంటూ సోషల్ మీడియా లో భావోద్వేగ పోస్ట్ చేశారు. ” జేమ్స్ రూపంలో మనం అద్భుతమైన కళాఖండాన్ని చూడబోతున్నాం. పవర్ స్టార్ పునీత్ రాజ్ కుమార్ సర్ ను అభిమానించే లక్షలాది మందికి ఈ చిత్రం ఎప్పుడు ప్రత్యేకమైనదే. వి మిస్ యూ సర్ ” అంటూ రాసుకొచ్చారు. ప్రస్తుతం ఈ పోస్ట్ సోషల్ మీడియా లో వైరల్ గా మారింది.
Read Also : Cashew Benefits for male : వీర్య కణాల కదలికలో జీడిపప్పుదే ప్రధాన పాత్ర..!