Viral news : పెళ్లై మూడేళ్లవుతున్నా ఫస్ట్ నైట్‌కు నో.. గట్టిగా అడిగితే షాకిచ్చిన మొగుడు

Viral news: ఎన్నో ఆశలతో పెళ్లి చేసుకుంది. పెళ్లయ్యాక జీవితం హ్యాపీగా ఉంటుందని కలలు కన్నది. భర్తతో అచ్చటా ముచ్చటా ఉంటుందని , తాను సంతోషంగా గడపొచ్చని అనుకుంది ఆ యువతి. కానీ అనుకున్నది అనుకున్నట్లు జరిగితే అది జీవితం ఎలా అవుతుంది. పెళ్లై మూడేళ్ల తర్వాత తనకు ఓ నిజం తెలిసింది. తాను పెట్టుకున్న ఆశలన్నీ ఆవిరయ్యాయి. కన్న కలలు బూడిదలో పోసిన పన్నీరులా అయిపోయాయి. అసలేం జరిగిందంటే..

ఇండోర్ కు చెందిన ఓ యువతికి 2019లో ప్రీతేష్ అనే వ్యక్తితో పెళ్లి జరిగింది. ఆమె తల్లిదండ్రులు రూ.25 లక్షల కట్నం ఇచ్చి ఘనంగా వివాహం జరిపించారు. ఎన్నో ఆశలతో అత్తారింట్లోకి అడుగుపెట్టిన ఆ యువతికి ప్రతి దాంట్లోనూ షాక్ తగులుతూ వచ్చింది. కొత్త కదా అని అన్నీ సర్దుకుపోయింది ఆ యువతి. మొదటి రాత్రి ఎన్నో ఆశలతో అడుగుపెట్టిన ఆమెకు భర్త షాకిచ్చాడు. దగ్గరకు తీసుకుని ఊసులాడాల్సిన వాడు దూరం పెట్టాడు. ఆమె చొరవ తీసుకుని దగ్గరకు వెళ్తే తిట్టేవాడు. వాటిని పంటి బిగువన భరించింది ఆ యువతి. అలా మూడేళ్లు గడిచాయి.

కానీ ఒక్కసారి కూడా భార్యభర్తలకు శారీరకంగా దగ్గర కాలేదు. ఓపిక నశించిన యువతి కొడుకు చేస్తున్న తంతు గురించి అత్తగారికి చెప్పింది. అప్పుడు అత్తగారు చెప్పిన మాట విని షాక్ కు గురైంది ఆ యువతి. తన కొడుకుకు మానసిక, శారీరక సమస్యలు ఉన్నాయని, త్వరలోనే సర్దుకుంటాయని చెప్పింది.

మరోవైపు తన లోపాన్ని భార్య ఎక్కడ బయట పెడుతుందోనని భయపడ్డ ప్రితీషే కట్నం నాటకం ఆడటం మొదలు పెట్టాడు. రూ. 20 లక్షలు కట్నం తీసుకురావాలని ఒత్తిడి చేయడంతో ఆ యువతి… అసలు విషయాన్ని తల్లిదండ్రులకు చెప్పింది. వారు ప్రితీష్ పై, అతని తల్లిదండ్రులపై కేసు పెట్టారు.