Kgf review: ఆర్ఆర్ఆర్ కంటే ‘కేజీఎఫ్-2’ 10 రెట్లు వేస్ట్
1 min read
సినీ ప్రేక్షకులు ఎంతగానో ఎదురుచూస్తున్న మూవీ కేజీఎఫ్-2. కేవలం కన్నడ, తెలుగు సినీ అభిమానులే కాకుండా ప్రపంచవ్యాప్తంగా సినీ ఫ్యాన్స్ ఎంతో ఎక్సైట్ మెంట్ తో ఉన్న సినిమా కేజీఎఫ్-2 అని చెప్పాలి. ఇది కన్నడ సినిమా అయినా.. భాషలకతీతంగా ఈ మూవీని చూసేందుకు ఆక్తిని చూపిస్తున్నారు ప్రేక్షకులు. అయితే ఈ సినిమా మొదటి రోజు హిట్ టాక్ తెచ్చుకున్నది. దీంతో దేశవ్యాప్తంగా సినీ ప్రముఖులు కేజీఎఫ్-2 బృందాన్ని అభినందిస్తున్నారు. అయితే బాలీవుడ్ క్రిటిక్… కాంట్రవర్సీలకు కేరాఫ్ అడ్రస్ అయిన కమల్ ఆర్ ఖాన్(కేఆర్కే) మాత్రం ట్విట్టర్ వేదికగా భిన్నంగా స్పందించారు.
కేజీఎఫ్-2 సినిమా తీసి.. ప్రశాంత్ నీల్ ప్రపంచవ్యాప్తంగా లక్షలాది మంది ప్రేక్షుకులను మోసం చేశారని ఆయన విమర్శించారు. ఈ సినిమా తీసినందుకు ప్రశాంత్ నీల్ ను జీవితాంతం జైళ్లో పెట్టాలన్నారు. ఇలాంటి మెదడు లేని దర్శకులను ప్రోత్సహించకూడదని వివాదాస్పద వ్యాఖ్యలు చేశారు.
ఈసినిమాలోని ఓ సన్నివేశంపై కేఆర్కే వ్యంగ్యంగా స్పందించారు. భారత మిలటరీ, ఎయిర్ ఫోర్స్, నేవీ కలిసినా… రాఖీ అనే వ్యక్తితో పోరాడలేకపోయారని విమర్శించారు. ఇలా ఉంటే.. పాకిస్థాన్, చైనాతో భారత్ ఎలా పోరాడుతుంది ప్రశాంత్ భాయ్ అని దర్శకుడిని ప్రశ్నించారు. ఈ సినిమా ఆర్ఆర్ఆర్ కంటే 10 రెట్లు చెత్త సినిమా అంటూ సెన్సెషనల్ కామెంట్స్ చేశారు కేఆర్కే.
