Ramcharan RC15: శంకర్ దర్శకత్వంలో రామ్ చరణ్ హీరోగా తెరకెక్కుతున్న సినిమా ఆర్సీ15 గురించి అందరికీ తెలిసిందే. అయితే ఈ సినిమాలో రామ్ చరణ్ పక్కన కియారా అద్వానీ నటించబోతున్నారు. అలాగే శ్రీకాంత్, అంజలి, జయరామ్, ఎస్ జే సూర్య, నవీన్ చంద్ర కీలక పాత్రలు పోషిస్తున్నారు. ఈ సినిమా కొత్త షెడ్యూల్ చిత్రీకరణ్ రాజమండ్రి పరిసర ప్రాంతాల్లో జరుగుతుంది.
ప్రస్తుతం రామ్ చరణ్, అంజలిపై కీలక సన్నివేశాలు తెరకెక్కిస్తున్నారని సమాచారం. ఈ షెడ్యూల్ మరో వారం పాటు అక్కడి లోకేషన్స్ లోనే సాగుతుందట. అయితే ప్రస్తుతం చిత్రీకరిస్తున్న సన్నివేశాలు సినిమాలో ఫ్లాష్ బాక్ ఎపిసోడ్ లో వస్తాయని తెలుస్తోంది.
1930 కాలం నేపథ్యంలో ఈ సీన్స్ లో రామ్ చరణ్, అంజరి భార్యాభర్తలుగా కనిపిస్తారనే ప్రచారం వినిపిస్తోంది. ఇందుకు సంబంధించిన కొన్ని ఫొటోలు కూడా నెట్టింట లీక్ అయ్యాయి. అంతేకాదు ఈ సినిమాలో రామ్ చరణ్ డ్యూయల్ రోల్ చేస్తున్నారని టాక్. దిల్ రాజు, శిరీష్ నిర్మిస్తున్న ఈ సినిమాకు తమన్ సంగీతం అందిస్తున్నారు. ఈ చిత్రాన్ని వచ్చే ఏడాది సమ్మర్ లో రిలీజ్ చేయాలనుకుంటున్నారని సమాచారం.