F3 Movie : అనిల్ రావిపూడి దర్శకత్వంలో తెరకెక్కిన ఎఫ్ 2 ఈ సినిమాకి సీక్వెల్ చిత్రంగా ఈ నెల 27వ తేదీన ఎఫ్ 3 ప్రేక్షకుల ముందుకు రాబోతోంది. ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు. ప్రమోషన్ కార్యక్రమాల్లో భాగంగా చిత్రబృందం ఇంటర్వ్యూలలో పాల్గొని ఈ సినిమాకు సంబంధించిన విషయాలను అభిమానులతో పంచుకోవడమే కాకుండా ఈ సినిమాకు సంబంధించిన అప్డేట్ విడుదల చేస్తూ సినిమాపై భారీ అంచనాలు పెంచారు.
తాజాగా ఈ సినిమా నుంచి స్పెషల్ సాంగ్ వీడియోని మేకర్స్ విడుదల చేశారు. లైఫ్ అంటే ఇట్టా ఉండాలా’ అంటూ సాగే వీడియో సాంగ్ను మేకర్స్ విడుదల చేశారు. 1.20 నిమిషాల నిడివిగల ఈ వీడియో సాంగ్ ప్రేక్షకులను విపరీతంగా ఆకట్టుకుంటుంది. ముఖ్యంగా ఈ పాటలో పూజాహెగ్డే స్టెప్పులు ఫ్యాన్స్ ఫిదా అయ్యారు. పూజా హెగ్డే, వరుణ్ తేజ్, వెంకటేష్ ముగ్గురు కలిసి నటించిన ఈ పాటకు సంబంధించిన వీడియో సోషల్ మీడియాలో వైరల్ గా మారింది.
దేవీ శ్రీ ప్రసాద్ స్వర పరిచిన ఈ పాటకు కాసర్ల శ్యామ్ సాహిత్యాన్ని అందించగా, రాహుల్ సిప్లీగంజ్, గీతా మాధురి ఈ పాటలు ఎంతో అద్భుతంగా ఆలపించారు. ఇక ఈ సినిమాని శ్రీ వెంకటేశ్వర క్రియేషన్స్ బ్యానర్లో దిల్ రాజు, శిరీష్ ఈ సినిమాని ఎంతో ప్రతిష్టాత్మకంగా నిర్మించారు. వెంకటేష్ ,వరుణ్ తేజ్, తమన్నా, మెహరీన్, సోనాల్ చౌహాన్ ఈ సినిమాలో ప్రధాన పాత్రలలో నటించారు. ఇకపోతే పుట్టబొమ్మ పూజాహెగ్డే స్పెషల్ సాంగ్ ద్వారా ఈ సినిమాలో ప్రేక్షకులను సందడి చేయనున్నారు.
Read Also : F3 Movie: F3 మూవీలో స్పెషల్ ఐటెం సాంగ్ చేసేది ఎవరో గుర్తుపట్టారా? రెమ్యునురేషన్ తెలిస్తే షాకే..!