- ఆరేళ్లు మెడికల్ షాప్‌లో పని.. ఇప్పుడు బిగ్ బాస్ హౌస్‌లోకి ఆటో రామ్ ప్రసాద్!
- జబర్దస్త్‌లో నవ్వించిన ఆటో రామ్ ప్రసాద్‌కు బిగ్ బాస్ ఛాన్స్..
- సాధారణ కమెడియన్‌గా మొదలై టీమ్ లీడర్‌గా ఎదిగాడు..
- ఆటో పంచుల కమెడియన్‌కు బిగ్ బాస్ హౌస్ తలుపులు తెరిచింది..
Bigg Boss Telugu 10 : బిగ్ బాస్ తెలుగు 10 గ్రాండ్ లాంచ్‌లో ఏడో కంటెస్టెంట్‌గా ఆటో రామ్ ప్రసాద్ ఎంట్రీ ఇచ్చాడు. జబర్దస్త్‌లో తన కామెడీతో ప్రత్యేక గుర్తింపు తెచ్చుకున్న ఈ కమెడియన్‌కు ఇప్పుడు బిగ్ బాస్ హౌస్ కొత్త వేదికగా మారింది. ఇంతకాలం స్కిట్లలో తన పంచ్‌లతో నవ్వించిన రామ్ ప్రసాద్.. అసలు రియాలిటీ షోలో ఎలా ఉంటాడనేది ఇప్పుడు ఆసక్తిని పెంచుతోంది.
బిగ్ బాస్ పదో సీజన్ ప్రారంభోత్సవం సందడిగా జరిగింది. హోస్ట్ నాగార్జున గ్రాండ్ ఎంట్రీతో షో మొదలవగా, హీరో కార్తీ, నటుడు ఎస్ జే సూర్య కూడా లాంచ్ ఎపిసోడ్‌లో సందడి చేశారు. దేబ్ జానీ మోదక్‌తో కంటెస్టెంట్ల ఎంట్రీలు మొదలయ్యాయి. ఆ తర్వాత త్రిగుణ్, సింగర్ ఝాన్సీ, సుధీర్ రెడ్డి, అమన్ మసూద్, చైత్ర రాయ్ హౌస్‌లోకి వెళ్లారు. వీరి తర్వాత రామ్ ప్రసాద్ వంతు వచ్చింది.
Bigg Boss Telugu 10 : జబర్దస్త్‌లో టీమ్ లీడర్‌గా ఎదిగి.. :
తెలుగు ప్రేక్షకులకు రామ్ ప్రసాద్ కొత్త పరిచయం కాదు. జబర్దస్త్‌లో సుడిగాలి సుధీర్, గెటప్ శ్రీనులతో కలిసి చేసిన స్కిట్ల ద్వారా ఆయన మంచి ఫాలోయింగ్ సంపాదించుకున్నాడు. ముఖ్యంగా ఆటో పంచులు ఆయనకు ప్రత్యేకమైన ఇమేజ్ తీసుకొచ్చాయి. కామెడీ చేయడమే కాకుండా స్కిట్ల రచనలోనూ తన సామర్థ్యాన్ని చూపించడంతో జబర్దస్త్‌లో టీమ్ లీడర్‌గా ఎదిగాడు.
BIGG BOSS House is ready for a BIGG dose of entertainment!🔥#RamPrasad is here to make the House louder, crazier & funnier!👁️🐦🔥
Watch the Grand Launch of #BiggBossSeason10, Playing Now only on #StarMaa#BiggBossTelugu10 #BiggBossTelugu10GrandLaunch pic.twitter.com/fvWqugSbLc
Read Also— Starmaa (@StarMaa) September 6, 2026
అయితే తెరపై కనిపించే ఈ కమెడియన్ ప్రయాణం వెనుక మరో కోణం ఉంది. రామ్ ప్రసాద్ ఇంటర్మీడియెట్ కూడా పూర్తి చేయలేదని సమాచారం. కుటుంబ అవసరాల కోసం వైజాగ్‌లోని ఓ మెడికల్ షాప్‌లో ఉద్యోగం చేశాడు. దాదాపు ఆరేళ్లపాటు అక్కడ పనిచేస్తూ కుటుంబాన్ని నడిపించాడు. అదే సమయంలో నటనపై ఉన్న ఆసక్తిని మాత్రం వదులుకోలేదు.
జబర్దస్త్‌లో సాధారణ కమెడియన్‌గా జర్నీ :
స్నేహితుడి సహకారంతో సినిమా రంగంలోకి అడుగుపెట్టిన రామ్ ప్రసాద్.. తొలినాళ్లలో జబర్దస్త్‌లో సాధారణ కమెడియన్‌గా కనిపించాడు. క్రమంగా తన నటనతో పాటు రైటింగ్‌లోనూ పేరు తెచ్చుకున్నాడు. వచ్చిన అవకాశాలను ఉపయోగించుకుంటూ సినిమాల్లో కూడా నటించాడు. ఇలా బుల్లితెరపై తనకంటూ ఓ గుర్తింపు తెచ్చుకున్న తర్వాత ఇప్పుడు బిగ్ బాస్‌లో అడుగు పెట్టాడు.
ఈ సీజన్‌లో సామాన్యులకు కూడా అవకాశం కల్పిస్తున్న నేపథ్యంలో రామ్ ప్రసాద్ ఎంట్రీ మరింత ఆసక్తిని కలిగిస్తోంది. కామెడీ స్కిట్లలో కనిపించే ఆయనకు, రోజువారీ గేమ్‌, టాస్క్‌లు, హౌస్‌మేట్స్‌తో సంబంధాలు కీలకం కానున్నాయి. ఇప్పటివరకు ప్రేక్షకులను నవ్వించిన రామ్ ప్రసాద్.. బిగ్ బాస్‌లో తన వ్యక్తిత్వం, గేమ్‌తో ఎంతవరకు మెప్పిస్తాడనేది ఇకపై చూడాల్సిందే.