Kushi Movie : రౌడీ హీరో విజయ్ దేవరకొండ, సమంత జంటగా శివ నిర్వాణ దర్శకత్వంలో ఎంతో ప్రతిష్టాత్మకంగా తెరకెక్కుతున్న చిత్రం ఖుషి. ఈ సినిమా ప్రస్తుతం కాశ్మీర్ లో శరవేగంగా షూటింగ్ పనులను జరుపుకుంటోంది. ఇప్పటికే మొదటి షెడ్యూల్ చిత్రీకరణ పూర్తి చేసుకున్న ఈ సినిమాకు సంబంధించి ఒక వార్త సోషల్ మీడియాలో వైరల్ అయింది.ఈ సినిమా షూటింగ్ సమయంలో విజయ్ దేవరకొండ సమంత ప్రమాదానికి గురయ్యారు అంటూ ఓ వార్త సోషల్ మీడియాలో పెద్ద ఎత్తున చక్కర్లు కొడుతోంది. స్టంట్ సీక్వెన్స్ చేస్తుండగా నదిలో వాహనం పడిపోయి వీరి వెన్నెముకకు గాయాలు అయినట్లు పెద్ద ఎత్తున వార్తలు చక్కర్లు కొట్టాయి.
ఈ క్రమంలోనే ఈ వార్త సోషల్ మీడియాలో వైరల్ కావడంతో అభిమానులు కాస్త ఆందోళన చెందారు.అయితే ప్రస్తుతం వీరు ఆరోగ్య పరిస్థితి నిలకడగానే ఉందని వార్తలు రావడంతో ఈ వార్తలపై డైరెక్టర్ శివ నిర్వాణ స్పందిస్తూ సోషల్ మీడియా వేదికగా అసలు విషయం వెల్లడించారు.ఖుషి సినిమా షూటింగ్ సమయంలో విజయ్ దేవరకొండ సమంతకు ప్రమాదం జరిగిందని వస్తున్న వార్తల్లో ఏ మాత్రం నిజం లేదని ఈయన ఫేక్ న్యూస్ అంటూ ట్విట్టర్ ద్వారా ఈ విషయాన్ని వెల్లడించారు.ఈ విధంగా డైరెక్టర్ శివ నిర్వాణ ఈ ప్రమాదం గురించి క్లారిటీ ఇవ్వడంతో అభిమానులు కాస్త ఊపిరి పీల్చుకున్నారు.
Fake news pic.twitter.com/dbneXS8h5s
— Shiva Nirvana (@ShivaNirvana) May 24, 2022
ఇక ఈ సినిమా కాశ్మీర్ లో మొదటి షెడ్యూల్ చిత్రీకరణ ఎంతో విజయ వంతంగా పూర్తి చేస్తున్నారు. ఇక ఈ సినిమా తదుపరి షూటింగ్ వైజాగ్ తదితర ప్రాంతాలలో చిత్రీకరించాలని చిత్రబృందం భావిస్తున్నారు అయితే త్వరలోనే ఈ సినిమా రెండో షెడ్యూల్ కూడా షూటింగ్ ప్రారంభం కానుంది. ఇక ఈ సినిమా డిసెంబర్ 23 వ తేదీ విడుదల చేయనున్నట్లు ఇప్పటికే చిత్రబృందం వెల్లడించారు.