Kids distribute water: మండుటెండలో నీళ్ల సీసాలు పంపిణీ చేస్తున్న బాలుడు..!

Kids distribute water: పొట్టకూటి కోసం మండుటెండను సైతం లెక్కచేయకుండా వీధుల్లో వ్యాపారం చేసుకుంటున్న కొందరిని చూసిన ఓ బాలుడి… మనసు కరిగిపోయింది. చల్లని మంచి నీళ్ల సీసాలు కొని వారికి అందించి తన ఉదారతను చాటుకున్నాడు. పూలు, పండ్లు అమ్ముకుంటూ బ్రతుకీడుస్తున్న వారిని దేవుడిలా ఆదుకున్నాడు. అయితే అంత ఎండలో చల్లని నీళ్లను అందించడతో ఓ వృద్ధురాలు మనసారా దీవించిందా బాబును. అయితే ఆ బాలుడు నీళ్లు పంచుతుండగా ఓ వ్యక్తి వీడియో తీశాడు. దీన్ని సోషల్ మీడియాలో అప్ లోడ్ చేయగా… చూసిన వారంతా బాబును ప్రశంసలతో ముంచెత్తుతున్నారు.

తన కోసం చల్లటి వాటర్ బాటిల్స్ తీసుకొచ్చిన ఆ బాలుడిని ఒక వృద్ధురాలు మనసారా ఆశీర్వదించింది. ఐఏఎస్ అధికారి అవనీష్ శరణ్ ఈ వీడియోను తన ట్విట్టర్ ఖాతాలో షేర్ చేయగా… బాలుడి ఔదార్యాన్ని చూసి నెటిజెన్లు ప్రశంసిస్తున్నారు. మరోవైపు భానుడి భగభగలతో ప్రజలు ఉక్కిరిబిక్కిరి అవుతున్నారు. గత పదేళ్లలో ఎన్నడూ చూడని స్థాయిలో ఎండలో మండుతున్నాయని భారత వాతావరణ శాఖ చెప్పిందంటే తీవ్రత ఏ స్థాయిలో ఉందో అర్థం చేసుకోవచ్చు.