RRR World Record : మోస్ట్ పాపులర్ వరల్ట్ టాప్ 5 సినిమాల్లో ఒకటిగా నిలిచిన ఆర్ఆర్ఆర్!

RRR World Record : యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్​ చరణ్​ ప్రధాన పాత్రల్లో నటించిన ఆర్ఆర్ఆర్ సినిమా గురించి ప్రత్యేకంగా చెప్పాల్సిన అవసరం లేదు. అయితే దర్శక ధీరుడు రాజమౌళి తెరకెక్కించిన ఈ సినిమా అనేక రికార్డులను బద్దలు కొడుతోంది.

ఇప్పటికే అనేక రికార్డులను బ్రేక్​ చేసిన ఈ సినిమా మరో అరుదైన ఘనత సాధించింది. ప్రముఖ అంతర్జాతీయ మూవీ డేటా బేస్​ సంస్థలో (ఐఎండీబీ) మోస్ట్​ పాపులర్​ లిస్ట్​లో ఉన్న ప్రపంచ వ్యాప్త టాప్​ 5 సినిమాల్లో ఒకటిగా నిలిచింది. అలాగే ఏకైక ఇండియన్​ సినిమాగానూ రికార్డు సాధించింది.

మరోవైపు.. ఆర్​ఆర్​ఆర్​ చిత్రానికి ఇతర హాలీవుడ్​ సినిమాలను మించి ఎక్కువ రేటింగ్​ కూడా నమోదు కావటం గమనార్హం. అంతే కాదండోయ్… క‌థ‌లో భావోద్వేగాల్ని పండించ‌డంలో మాస్ట‌ర్ రాజ‌మౌళి. ఆయ‌న సినిమా అంటే భావోద్వేగాల‌తో పాటు, తెర‌కు నిండుద‌నం తీసుకొచ్చే విజువ‌ల్ గ్రాండ్‌నెస్ కూడా. ఆ రెండు విష‌యాల్లో త‌నదైన ప్ర‌భావం చూపించి తాను ‘మాస్ట‌ర్ కెప్టెన్’ అని ఆర్​ఆర్​ఆర్​తో మ‌రోసారి చాటారు. మార్చి 25న విడుదలైన ఆర్​ఆర్​ఆర్​ చిత్రం రికార్డులు తిరగరాస్తూ బాక్సాఫీస్​ వద్ద రూ.వెయ్యి కోట్ల కలెక్షన్ల దిశగా దూసుకెళ్తోంది​.

Read Also : Shankar Ram Charan : పొలిటిషియన్ లుక్‌లో సైకిల్‌పై రామ్ చరణ్.. ఫొటో లీక్..!