Rashmika: టాలీవుడ్ ఇండస్ట్రీలో మంచి సక్సెస్ ఫుల్ హీరోయిన్ గా కొనసాగుతున్న రష్మిక మందన్న తన అందం అభినయంతో ప్రేక్షకుల అభిమానాన్ని సొంతం చేసుకుంది. ఇటీవల రష్మిక నటించిన పుష్ప సినిమా విడుదలై బ్లాక్ బస్టర్ హిట్ ను సొంతం చేసుకుంది. శర్వానంద్ తో కలిసి ఆడాళ్ళు మీకు జోహార్లు అనే సినిమాలో కూడా నటించింది . చేతి నిండా సినిమాలతో బిజీగా ఉండే ఈ ముద్దుగుమ్మ ఫిట్ నెస్ విషయంలో కూడా చాలా జాగ్రత్త వహిస్తుంది.
ఫిట్నెస్ కోసం ఆరోగ్యకరమైన ఆలోచనలను అలవాటు చేసుకుంటే శారీరకంగా కూడా మార్పు కనిపిస్తోందని ఈ సందర్భంగా ఈ ముద్దుగుమ్మ తెలియజేశారు. వర్కౌట్ మొదలు పెట్టిన సమయంలో మొదట ఆహార నియంత్రణ, వర్కౌట్స్ చాలా కష్టంగా అనిపిస్తాయి. కానీ ఒక్కసారి అలవాటైతే అద్భుతాలను చూడొచ్చు.ఈ లక్ష్యాన్ని సాధించాలంటే ఆలోచనలు స్థిరంగా ఉండాలని ఈ సందర్భంగా అభిమానులకు సూచించింది.
