Puri Jagannath: టాలీవుడ్ హీరో మెగాస్టార్ చిరంజీవి గురించి ప్రత్యేకంగా పరిచయం అక్కర్లేదు. మెగాస్టార్ చిరంజీవి ఈ వయసులో కూడా అదే జోష్ ని కొనసాగిస్తూ వరుసగా సినిమాలు చేస్తూ దూసుకుపోతున్నారు. ఈ క్రమంలోనే చిరంజీవి తాజాగా నటించిన ఆచార్య సినిమా విడుదలకు సిద్దంగా ఉన్న విషయం తెలిసిందే. సినిమా తర్వాత చిరంజీవి నటిస్తున్న మరొక సినిమా గాడ్ ఫాదర్. సినిమాకు మోహన్ రాజా దర్శకత్వం వహిస్తున్నారు. మలయాళంలో సూపర్ హిట్ అయిన లూసిఫర్ సినిమాకు రీమేక్ గా తెరకెక్కుతోంది.
ఈ సినిమాకు సంబంధించిన షూటింగ్ శరవేగంగా జరుగుతుంది. ఇప్పటికే ఈ సినిమాపై మెగాస్టార్ అభిమానులు భారీగా అంచనాలు పెట్టుకున్నారు. ఈ సినిమాలో బాలీవుడ్ హీరో సల్మాన్ ఖాన్ కీలక పాత్రలో నటిస్తున్న విషయం తెలిసిందే. కొణిదెల సురేఖ సమర్పిస్తున్న ఈ చిత్రాన్ని ఆర్బి చౌదరి, ఎన్వి ప్రసాద్లు సంయుక్తంగా నిర్మిస్తున్నారు. థమన్ మ్యూజిక్ అందిస్తున్నారు. పొలిటికల్ బ్యాక్ డ్రాప్ తో తెరకెక్కబోతున్న ఈ సినిమాని చిరంజీవి ఇమేజ్ కు, తెలుగు నేటివిటీకి తగ్గట్టుగా మార్పులు చేసి ఈ సినిమాను తెరకెక్కిస్తున్నారు. దర్శకుడు పూరి జగన్నాథ్ ప్రస్తుతం విజయ్ దేవరకొండ తో తో కలిసి లైగర్ సినిమాను తెరకెక్కిస్తున్న విషయం తెలిసిందే.
