- పదో సీజన్‌కు నాగార్జునకు ఎంత ముట్టిందో తెలుసా?
- బిగ్ బాస్ కంటే ఇదే పెద్ద చర్చ!
- బిగ్ బాస్ 10 నాగార్జున ఫీజుపై భారీ బజ్.. ఇంతా?
- రెమ్యునరేషన్‌పై నెట్టింట జోరుగా చర్చ!
- 10వ సీజన్‌లో నాగార్జున దూకుడు మామూలుగా ఉండదు..
Bigg Boss Telugu 10 : బిగ్ బాస్ తెలుగు ప్రేక్షకులకు నాగార్జున అంటేనే ఓ ప్రత్యేకమైన కనెక్షన్. వీకెండ్ వచ్చిందంటే ఆయన హోస్టింగ్, కంటెస్టెంట్లతో చేసే సంభాషణ, గేమ్‌పై ఇచ్చే క్లాసులు షోకు మరో రకమైన ఊపును తీసుకొస్తాయి. ఇప్పుడు ఇదే కింగ్ మరోసారి బిగ్ బాస్ హౌస్‌కు హోస్ట్‌గా రాబోతున్నారు. సీజన్ 10 ప్రారంభానికి సమయం దగ్గరపడుతున్న వేళ.. నాగార్జునకు అందుతున్న పారితోషికంపై ఆసక్తికరమైన చర్చ మొదలైంది.
తెలుగులో బిగ్ బాస్ ప్రయాణం ఇప్పటికే తొమ్మిది సీజన్లు పూర్తి చేసుకుంది. ఇప్పుడు పదో సీజన్‌తో ఈ రియాలిటీ షో కొత్త మైలురాయిని అందుకోనుంది. తెలుగు బుల్లితెరపై బిగ్ బాస్ మొదలై పదేళ్లు పూర్తవుతున్న సందర్భంగా ఈసారి షోను మరింత ప్రత్యేకంగా తీర్చిదిద్దుతున్నట్లు సమాచారం. కంటెస్టెంట్ల ఎంపిక నుంచి గేమ్స్, టాస్క్‌ల వరకు ప్రతి అంశంలోనూ కొత్తదనం కనిపించేలా ప్లాన్ చేసినట్లు తెలుస్తోంది.
హోస్టింగ్ విషయానికి వస్తే.. :
మొదటి రెండు సీజన్లకు ఎన్టీఆర్, నాని బాధ్యతలు నిర్వర్తించారు. మూడో సీజన్ నుంచి నాగార్జున ఈ స్థానంలో కొనసాగుతున్నారు. ఆయన వచ్చిన తర్వాత తనదైన స్టైల్‌తో షోను ముందుకు తీసుకెళ్లారు. వీకెండ్ ఎపిసోడ్లలో నాగ్ చేసే హోస్టింగ్ బిగ్ బాస్‌కు ప్రత్యేక ఆకర్షణగా మారింది. ఆయన హోస్ట్ చేసిన సీజన్లు టీఆర్పీ పరంగా కూడా మంచి ఫలితాలు సాధించాయని సమాచారం.
Read Also : Telangana Ration Card : తెలంగాణ రేషన్ కార్డుదారులకు బిగ్ అలర్ట్.. 3 నెలల ఉచిత బియ్యానికి ఈరోజే లాస్ట్..
ఇప్పుడు సీజన్ 10 కోసం నాగార్జున తీసుకుంటున్న రెమ్యునరేషన్‌పై ఆసక్తి పెరిగింది. గత సీజన్ అంటే బిగ్ బాస్ 9కు ఆయన రూ.35 కోట్ల పారితోషికం అందుకున్నారని సమాచారం. అయితే పదో సీజన్ విషయంలో మాత్రం ఈ మొత్తం మరింత పెరిగిందనే ప్రచారం జరుగుతోంది.
ఫీజు ఎంతో తెలుసా? :
ఈసారి నాగార్జున ఫీజు రూ.35 కోట్లను దాటి ఏకంగా రూ.40 కోట్లకు పైగా ఉండొచ్చని టాక్ వినిపిస్తోంది. ఈ మొత్తం నిజమే అయితే టెలివిజన్ షో హోస్టింగ్‌కు అత్యధిక పారితోషికం అందుకునే హోస్ట్‌లలో నాగార్జున పేరు మరింత ప్రత్యేకంగా నిలుస్తుంది.
ఇదిలా ఉంటే.. సీజన్ 10లో సామాన్యులకు కూడా అవకాశం కల్పిస్తున్నారు. అగ్నిపరీక్ష ద్వారా ఎంపికైన కొందరిని బిగ్ బాస్ హౌస్‌లోకి తీసుకెళ్లనున్నారు. ఇప్పటికే సింగర్ జాన్సీ ఎంట్రీ ఖరారైనట్లు సమాచారం. దీంతో కంటెస్టెంట్లు ఎలా ఉండబోతున్నారు? గేమ్స్ ఏ స్థాయిలో ఉంటాయి? నాగార్జున హోస్టింగ్ ఈసారి ఎలా ఉండబోతోంది? అనే ఆసక్తి ప్రేక్షకుల్లో పెరుగుతోంది. షో ప్రారంభమైన తర్వాతే వీటన్నింటికీ సమాధానం దొరకనుంది.