Viral Video: నాటు నాటు పాటకు అదిరిపోయే స్టెప్పులు వేసిన యువకులు.. వైరల్ అవుతున్న వీడియో..!

Viral Video: దర్శక ధీరుడు రాజమౌళి దర్శకత్వం వహించిన ఆర్ఆర్ఆర్ సినిమా అన్ని భాషలలో ప్రపంచవ్యాప్తంగా భారీ స్థాయిలో విడుదల ఘన విజయాన్ని సొంతం చేసుకుంది. ఈ సినిమా ద్వారా రాజమౌళి టాలీవుడ్ సినిమా గొప్పతనం గురించి ప్రపంచానికి తెలిసేలా చేశాడు. ఈ సినిమాలో టాలీవుడ్ టాప్ హీరోలు అయిన జూనియర్ ఎన్టీఆర్, రామ్ చరణ్ కలిసి నటించిన సంగతి అందరికీ తెలిసిన విషయమే. ఈ సినిమా విడుదల ఇప్పటివరకు భారీ స్థాయిలో కలెక్షన్లు చేసి కొత్త రికార్డులను సృష్టించింది. ఈ సినిమాకి కీరవాణి సంగీతం అందించారు.

ఈ సినిమాలోని పాటలు బాగా పాపులర్ అయ్యాయి. ఎక్కడ చూసినా ఈ సినిమాలోని పాటలు మార్మోగుతున్నాయి. ఈ సినిమాలోని పాటలకు యువత స్టెప్పులు వేస్తూ సోషల్ మీడియాలో షేర్ చేస్తున్నారు. ముఖ్యంగా ఈ సినిమాలోని నాటు నాటు పాటకు రాజమౌళి ఇద్దరి హీరోలతో స్టెప్పులు వేయించాడు. ఈ పాట బాగా పాపులర్ అయ్యింది. ఈ పాటకు సంబంధించిన ఒక ఫన్నీ వీడియో ప్రస్తుతం సోషల్ మీడియాలో వైరల్ అవుతోంది. తెలుగులో నాటు నాటు అంటూ సాగిపోయే ఈ పాటని హిందీలో
నాచో-నాచో గా రీమేక్ చేశారు.

ఈ పాటకి కొంతమంది యువత వేసిన స్టెప్పులు ప్రస్తుతం సోషల్ మీడియాలో వైరల్ గా మారాయి. నాటు నాటు పాటకి డాన్స్ చేస్తున్న యువత సిగ్నేచర్ స్టెప్ వేసే క్రమంలో కింద పడి దొర్లుతూ రచ్చరచ్చ చేశారు. ఈ వీడియో చూసిన వారందరూ ఇదేం డాన్స్ రా నాయనా అంటూ తెగ నవ్వుకుంటున్నారు. ఈ వీడియోలో కొంతమంది యువత నాటు నాటు పాటకి స్టెప్పులు వేస్తూ సిగ్నేచర్ మూమెంట్ వేసే సమయంలో కిందపడి దొర్లుతూ భుజం కదిలిస్తూ దాని సహాయంతో వృత్తాకారంలో తిరుతుంటారు. చివరకు ఒక యువకుడు మాత్రమే ఈ స్టెప్ ని పూర్తి చేశాడు. ఇంస్టాగ్రామ్ వేదికగా ఈ వీడియో షేర్ చేశారు. ఈ వీడియో చూసిన నెటిజన్లు రకరకాలుగా కామెంట్లు పెడుతున్నారు.