Shekhar Master: కొరియోగ్రాఫర్ శేఖర్ మాస్టర్ గురించి ప్రత్యేకంగా చెప్పాల్సిన పనిలేదు. కేవలం కొరియోగ్రాఫర్ గా మాత్రమే కాకుండా బుల్లితెరపై ప్రసారమయ్యే పలు కార్యక్రమాలకు న్యాయనిర్ణేతగా వ్యవహరించడమే కాకుండా ఏవైనా స్పెషల్ ఈవెంట్ లో శేఖర్ మాస్టర్ సందడి చేయడం మనం చూస్తున్నాము. ఇకపోతే హోలీ పండుగ సందర్భంగా స్టార్ మాలో ఈ హోలీకి తగ్గేదే లే అనే కార్యక్రమాన్ని నిర్వహించారు. ఈ కార్యక్రమంలో భాగంగా బుల్లితెర నటీనటులు, పలువురు కమెడియన్ అద్భుతమైన డాన్స్ పర్ఫార్మెన్స్ ద్వారా ప్రేక్షకులను సందడి చేశారు.
ఒక సీనియర్ జర్నలిస్ట్ తన ఫేస్ బుక్ పేజ్ ద్వారా డాన్స్ పెర్ఫార్మెన్స్ పై స్పందిస్తూ అసలు అది తండ్రి కూతుర్ల డాన్స్ ఏంటో అంటూ విమర్శలు చేశారు.అయితే శేఖర్ మాస్టర్ ఎంపిక చేసుకున్న పాట సరైనది కాదని ఆయన తన అభిప్రాయాన్ని వ్యక్తం చేశారు. ఈ క్రమంలోనే కొందరు దానికి మద్దతు పలకగా మరికొందరు ఆ పాటలో తప్పు ఏముంది అది రొమాంటిక్ సాంగ్ ఏం కాదు కదా అంటూ వారి అభిప్రాయాలను తెలియచేస్తున్నారు.ఏది ఏమైనా శేఖర్ మాస్టర్ తన కూతురుతో కలిసి డాన్స్ చేసినప్పటికీ ఈ విధంగా నెటిజన్ల నుంచి ట్రోల్స్ రావడం గమనార్హం.
