Puspha Movie: పుష్ప క్రేజ్ మామూలుగా లేదుగా… పదో తరగతి విద్యార్థి ఆన్సర్ పేపర్ చూసి కంగుతిన్న టీచర్.. ఏం జరిగిందంటే?

Puspha Movie: సుకుమార్ దర్శకత్వంలో అల్లు అర్జున్ హీరోగా తెరకెక్కిన సినిమా పుష్ప. ఈ సినిమా ఎలాంటి గుర్తింపు సంపాదించుకుందో అందరికీ తెలిసిందే. ఇక ఈ సినిమాలోని పాటలు డైలాగులు ప్రతి ఒక్క ప్రేక్షకుడిని ఎంతగానో ఆకట్టుకున్నాయి. ముఖ్యంగా చిన్న పిల్లల నుంచి పెద్దవారి వరకు పుష్ప సినిమాలోని తగ్గేదెలే అనే డైలాగ్ సౌత్ ఇండస్ట్రీ లోనే కాకుండా నార్త్ ఇండస్ట్రీలో కూడా బాగా ఫేమస్ అయింది. ఇక ఈ సినిమాకు ఉత్తరాది రాష్ట్రాలలో విపరీతమైన క్రేజ్ ఏర్పడిందని చెప్పాలి.

ఇక ఈ సినిమా గత ఏడాది డిసెంబర్ నెలలో విడుదలైన ఇప్పటికీ ఈ సినిమా ఫీవర్ తగ్గలేదు. ఈ క్రమంలోనే పశ్చిమ బెంగాల్ లో పదో తరగతి విద్యార్థి చేసిన పని ప్రస్తుతం సోషల్ మీడియాలో సంచలనంగా మారింది.పదవ తరగతి పరీక్షలు రాస్తున్న విద్యార్ధి పరీక్ష పేపర్ లో ప్రశ్నలకు జవాబులు బదులుగాపుష్ప సినిమాలోని డైలాగ్ రాయడంతో ఈ విషయం కాస్త సోషల్ మీడియాలో వైరల్ గా మారింది.

ఈ సందర్భంగా పదో తరగతి విద్యార్థి ఆన్సర్ పేపర్ లో సమాధానాలకు బదులు పుష్ప సినిమాలోని  ‘తగ్గేదేలే’ డైలాగ్‌ను పోలుస్తూ.. ‘పుష్ప, పుష్ప రాజ్‌.. పరీక్ష రాసేదేలే’ అంటూ రాశారు. ఇది చూసిన ఉపాధ్యాయుడు ఒక్కసారిగా ఖంగు తిన్నాడు.ఈ క్రమంలోనే ఈ ఆన్సర్ పేపర్ ను ఫోటో తీసి సోషల్ మీడియాలో షేర్ చేయడంతో క్షణాల్లో వైరల్ గా మారింది. దీన్ని బట్టి చూస్తే పుష్ప క్రేజ్ ఎలా ఉందో అర్థమవుతోంది.