Vanitha Vijay Kumar: గత తొమ్మిదేళ్లుగా తెలుగు రాష్ట్రాల్లో భారీ టీఆర్పీ రేటుతో దూసుకుపోతూ, విపరీతమైన ఫ్యాన్ ఫాలోయింగ్‌ను ఏర్పరుచుకున్న కామెడీ షో జబర్దస్త్. ఈ కార్యక్రమం ద్వారా పలువురు కమెడియన్లకు సైతం పాపులారిటీతో పాటు, జీవితాన్నీ ప్రసాదించింది అనటంలో ఏ మాత్రం అతిశయోక్తి లేదు. ప్రారంభంలో నాగబాబు, రోజా ఈ షోకు న్యాయనిర్ణేతలుగా వ్యవహరించినా, కొన్ని కారణాల వల్ల నాగబాబు వైదొలగి, రోజా ఒక్కరే షోలో కంటిన్యూ అవుతున్నారు. కానీ తాజాగా ఆమె కూడా మంత్రి పదవి రాబోయే సూచనల దృష్ట్యా షోకి గుడ్‌బై చెప్పే అవకాశాలున్నాయంటూ ప్రచారం సాగుతోంది.
అందులో భాగంగా తాజాగా విడుదలైన ఓ ప్రోమోలో ఈ సారి జబర్దస్త్ షోకి కాంట్రవర్సీకి కేరాఫ్ అడ్రెస్ అయిన వనితా విజయ్ కుమార్ వచ్చినట్టు తెలుస్తోంది. తన కామెడీతో ప్రేక్షకులను అలరించబోతున్నట్టు ఈ ప్రోమోను చూస్తే అవగతం అవుతోంది. ఇక ఇప్పటికే మూడు పెళ్లిల్లు చేసుకుని, ఆ తర్వాత పలు వివాదాల్లో కీలకంగా మారిన ఈమె ఈ షోకి రావడంతో ప్రేక్షకులంతా ఈ ఎపిసోడ్ కోసం ఆసక్తిగా ఎదురుచూస్తున్నారు. వివాదాలతో వార్తల్లో నిలిచిన ఈమె ఈ షోకి రావడంతో షోలో ఎలాంటి రచ్చ జరుగుతుందో తెలియాల్సి ఉంది.