Big Boss OTT Telugu : ఎంత మందితో రిలేషన్‌లో ఉన్నానో నాకే తెలియదు.. షాకింగ్ కామెంట్స్ చేసిన నటరాజ్ మాస్టర్!

Big Boss OTT Telugu : తెలుగు బుల్లితెరపై ప్రసారం అవుతూ ఎంతో మంచి ప్రేక్షకాదరణ దక్కించుకున్న అతిపెద్ద రియాలిటీ షో బిగ్ బాస్ కార్యక్రమం గురించి ప్రత్యేకంగా చెప్పాల్సిన పనిలేదు. ఈ కార్యక్రమం ఇప్పటికే 5 సీజన్లను పూర్తి చేసుకొని మొట్టమొదటిసారిగా ఓటీటీ ప్లాట్ ఫామ్ పై ప్రసారమవుతుంది.ఈ క్రమంలోని 17 మంది కంటెస్టెంట్ లతో ప్రారంభమైన ఈ కార్యక్రమంలో ఇప్పటికే వివాదాలు గొడవలు మొదలయ్యాయని చెప్పవచ్చు. ఇక బిగ్ బాస్ కూడా కంటెస్టెంట్ ల మధ్య టాస్క్ లు నిర్వహిస్తూ ప్రేక్షకులకు కావలసినంత వినోదాన్ని పంచుతున్నారు.

ఈ క్రమంలోనే బిగ్ బాస్ కంటెస్టెంట్ లకు ఫిల్టర్ టాస్క్ ఇచ్చారు. ఈ ఫిల్టర్ టాస్క్ లో భాగంగా ఫిల్టర్ కార్డులను ఎంపిక చేసుకొని అందులో ఏ ప్రశ్న వస్తే ఆ ప్రశ్నకు నిజాయితీగా సమాధానం చెప్పాలని సూచించారు. ఇలా ఒక్కొక్కరు ఒక్కో కార్డు తీసుకొని అందులో ఉన్న ప్రశ్నలకు నీతిగా సమాధానం చెప్పారు. ఇక ఈ టాస్క్ లో భాగంగా కొందరు ఎమోషనల్ కాగా మరికొందరు మధ్య గొడవలు కూడా చోటుచేసుకున్నాయి.

ఇకపోతే ఈ టాస్క్ లో భాగంగా నటరాజ్ మాస్టర్ కి వింత ప్రశ్న ఎదురయింది.ఈ క్రమంలోనే నటరాజ్ మాస్టర్ ఇప్పటివరకు ఎంత మందితో రిలేషన్ లో ఉన్నారో చెప్పాలని బిగ్ బాస్ ప్రశ్నించారు. ఈ ప్రశ్నకు నటరాజ్ మాస్టర్ సమాధానం చెబుతూ పెళ్లి కాక ముందు తనకు ఎంతమందితో రిలేషన్ లో ఉన్నానో తనకే తెలియదని సుమారు 100 మందితో రిలేషన్ లో ఉన్నానని ఆయన తెలిపారు. ఇక ఈ విషయం తెలిసిన కంటెస్టెంట్ లో ఒక్కసారిగా నవ్వుకున్నారు. ఇక కంటెస్టెంట్ తేజస్విని అయితే ఆ వందమంది ఫ్యామిలీ మెంబర్స్ మీకు ఓటు వేస్తే చాలు మీరు బిగ్ బాస్ విజేత అవుతారు అంటూ సరదాగా కామెంట్ చేసింది.

Read Also : Bigg Boss Telugu OTT Live : లైవ్ స్ట్రీమింగ్ అసలు నిజమేనా? ఎంత మంది చూస్తున్నారు?