Graham: జయ శంకర్ దర్శకత్వంలో జబర్దస్త్ యాంకర్ అనసూయ భరద్వాజ్ ఒక సినిమా చేస్తున్న విషయం అందరికి తెలిసిందే. ఈ సినిమా ఒక డిఫరెంట్ కాన్సెప్ట్ తో తెరకెక్కబోతోంది. ఈ సినిమాను ఆర్వి సినిమాస్ బ్యానర్ పై ఆర్వి రెడ్డి, శేషు మారంరెడ్డి నిర్మిస్తున్నారు. ఇక ఇందులో సాయి కుమార్, వైవా హర్ష, అక్ష పర్థసాని, శ్రీనివాస్ రెడ్డి, చమ్మక్ చంద్ర లు కీలక పాత్రలో నటిస్తున్నారు. ఈ సినిమాకు అనూప్ రూబెన్స్ సంగీతాన్ని అందిస్తున్నారు. ప్రస్తుతం ఈ సినిమాకు సంబంధించిన షూటింగ్ పనులు శరవేగంగా జరుగుతున్నాయి. త్వరలోనే షూటింగ్ పూర్తి చేసుకొని ప్రేక్షకుల ముందుకు రానుంది.
ఇది ఇలా ఉంటే తాజాగా ఈ సినిమా నిర్మాత శేషు మారం రెడ్డి మాట్లాడుతూ..దర్శకుడు జయశంకర్ ఈ సినిమాను అద్భుతంగా తెరకెక్కిస్తున్నాడు అని తెలిపారు. అయితే ఇప్పటికే ఈ సినిమాకు సంబంధించిన షూటింగ్ 80 శాతం పూర్తి అయ్యిందని. మిగిలిన 20 శాతాన్ని ఏప్రిల్ లోపు పూర్తి చేస్తామని తెలిపారు. ఇందులో చమ్మక్ చంద్ర, శ్రీనివాస్ రెడ్డి సంబంధించిన సన్నివేశాలను దర్శకుడు జయ శంకర్ అద్భుతంగా తెరకెక్కించాడని, ఆ సన్నివేశాలు థియేటర్ లో తప్పకుండా నవ్వులు పూయిస్తాయి అని తెలిపారు. ఈ సినిమా తర్వాత ఆయనతో మరో సినిమా చేయడానికి ప్లాన్ కూడా చేస్తున్నాను అని తెలిపారు నిర్మాత శేషు మారం రెడ్డి.
అనంతరం దర్శకుడు జయ శంకర్ మాట్లాడుతూ.. ఈ సినిమా నిర్మాతలకు ఉత్సాహంతోనే అద్భుతంగా తెరకెక్కిస్తున్నామని, తమ సినిమాకు అనూప్ రూబెన్స్ అందించిన సంగీతం ప్లస్ అవుతుందని తెలిపారు దర్శకుడు. అంతేకాకుండా ఈ సినిమా టైటిల్ ను, అలాగే విడుదల తేదిని త్వరలోనే ప్రకటిస్తామని తెలిపారు. కాగా ప్రస్తుతానికి ఈ సినిమాకు గ్రహమ్ అనే టైటిల్ ను ఖరారు చేసినట్లు వార్తలు వినిపిస్తున్నాయి. మరి దర్శకనిర్మాతలు చెప్పిన విధంగా ఈ సినిమా ప్రేక్షకులను ఏ మేరకు మెప్పిస్తాడో చూడాలి మరి.