Viral video: ద్విచక్ర వాహనాలు నడిపేవాళ్లకు హెల్మెట్, కార్లు నడిపే వాళ్లు సీట్ బెల్ట్ పెట్టుకోవాలని పదే పదే ట్రాఫిక్ పోలీసులు చెబుతుంటారు. కానీ జుట్టు చెదిరిపోతుందని, ఉక్కపోస్తుందని, చీర, షర్టు నలిగిపోతాయంటూ వీటిని మన పెడ చెవిన పెడతాం. కానీ ఓ బైకర్ కు హెల్మెట్, కార్లో ఉన్న వ్యక్తి సీట్ బెల్టు ఉంటే దేవుడు మనతోనే ఉన్నట్లే అని అనిపిస్తుంది. కాదని చాలా మంది వాదిస్తుండొచ్చు. కానీ అదే నిజం అండి. అంత నమ్మకం లేకపోతే ఓసారి మీరే ఈ వీడియో చూసేయండి.
రాత్రి సమయంలో ఓ కారు రోడ్డుపై వెళ్తోంది. అదే సమయంలో ఓ బైకర్ స్పీడ్ గా వస్తాడు. అదుపతప్పి రోడ్డుపై పడిపోతాడు. అయితే అతనికి గాయలేమీ కాలేదు. పైకి లేచి నిలబడేంత లోపే మరో ప్రమాదానికి గురవుతాడు. అక్కడే ఉ్న సూచిక బోర్డు కూలిపోయి నేరుగా అతని తలపై పడుతుంది. ఈ రెండు ఘటనల్లో అతని తలే లక్ష్యంగా దెబ్బలు తగిలాయి. అయితే అదృష్ట వశాత్తు బైకర్ హెల్మెట్ ధరించడంతో రెడు ప్రమాదాలను ధైర్యంగా ఎదుర్కొని ప్రాణాలతో బయట పడ్డాడు.
God helps those who wear helmet !#RoadSafety#DelhiPoliceCares pic.twitter.com/H2BiF21DDD
— Delhi Police (@DelhiPolice) September 15, 2022
అతని పరిస్థితి ఎలా ఉండేదో ఊహించుకోవడానికే కష్టంగా ఉంది. అందుకే ప్రాణాలు దక్కాలంటే హెల్మెట్ తప్పని సరిగా ధరించాల్సిందే. ఈ వీడియో చూశాక అయినా ప్రతీ ఒక్కరూ హెల్మెట్ ధరిస్తారని ఆశిస్తూ…